ભારત અને ચીન વચ્ચેના સીમા વિવાદ બાદથી જ ટિકટોક એપને બૅન કરવાની માંગ કરવામાં આવી રહી છે. આ સાથે ચીનની 59 એપને માટે ગઈકાલ રાતથી જ ભારતમાં પ્રતિબંધ મુક્યો છે. જેમાં ફેમસ એપ ટિકટોકનો પણ સમાવેશ થાય છે. ટિકટોક એપ પર પ્રતિબંધ લાગતા લોકો ચિનગારી એપને ડાઉનલોડ કરી રહ્યા છે. ચિનગારી એપ્લિકેશનમાં ટિકટોક જેવા જ ફંકશન છે. અત્યારે દર કલાકે એક લાખથી વધુ લોકો આ એપને ડાઉનલોડ કરી રહ્યા છે. અત્યાર સુધીમાં એક મિલિયનથી વધુ લોકોએ આ એપને ડાઉનલોડ કરી છે.
tiktokને ટક્કર આપશે ચિનગારી!
tiktokને લોકોએ કરી ડિલિટ, ચિનગારી એપની વધી ડિમાન્ડ
એક મિલિયન લોકોએ એપને કરી ડાઉનલોડ
ટિકટોક એપ પર બૅન લાગતાં જ ચિનગારી એપે લોકપ્રિયતા મેળવી છે. આ સિવાય આ એપને ગૂગલ પ્લે સ્ટોરના ટ્રેડિંગ ચાર્ટમાં જગ્યા મળી રહી છે. ઉલ્લેખનીય છે કે ચિનગારી મોબાઈલ એપને લોન્ચના 15 દિવસમાં 10 લાખથી વધારે વખત ડાઉનલોડ કરવામાં આવી છે. ચિનગારી એપને છત્તીસગઢ, ઓરિસ્સા અને કર્ણાટકના આઈટી વિશેષજ્ઞોએ મળીને બનાવી છે. એપ તૈયાર કરનારાનું કહેવું છે કે અમારી ટીમને આ એપ તૈયાર કરવામાં 2 વર્ષનો સમય લાગ્યો છે. તેઓએ કહ્યું કે અમે આ એપને બનાવવામાં ભારતીય યૂઝર્સની જરૂરિયાતોને ધ્યાનમાં રાખી છે.
ગૂગલ પ્લે સ્ટોરના ટોપ ચાર્ટમાં ત્રીજા ક્રમે છે ચિનગારી એપ
ટોપ રેટિંગ વાળી એપની યાદીમાં ચિનગારી એપનો સમાવેશ થાય છે. ચીની મોબાઈલ એપની વિરુદ્ધમાં બાયકોટ ચાઈના અભિયાનના આઘારે ચિનગારી એપને ફાયદો થયો છે. આ કારણ છે કે આ એપને ગૂગલ પ્લે સ્ટોરના ટોપ ચાર્ટમાં ત્રીજો ક્રમ મળ્યો છે.
કેવી રીતે કામ કરે છે આ Chingari App?
ચિનગારી એપમાં વીડિયોને અપલોડ અને ડાઉનલોડ કરી શકાય છે.
એપમાં ફ્રેન્ડ્રસની સાથે ચેટિંગ કરી શકાય છે.
નવા લોકો સાથે વાતચીત કરી શકાય છે.
બ્રાઉઝિંગની સાથે વોટ્સએપ સ્ટેટસ, વીડિયો, ઓડિયો ક્લીપ્સ, સ્ટિકર્સ અને ફોટોઝની સાથે ક્રિએટિવિટી કરી શકાય છે.
શોર્ટ વીડિયો બનાવવામાં પણ મદદ મળે છે.
વીડિયોને મિત્રો સાથે શેર કરી શકાય છે.
એપ પર તમને ટ્રેન્ડિંગ ન્યૂઝ, મનોરંજન, ફની વીડિયો, લવ સ્ટેટસ જેવા વીડિયો મળશે.
એપના ફીચર્સથી લાગે છે કે તે મોટાભાગે હેલો એપને મળતું આવે છે.
ચિનગારી એપ પર શેર કરવામાં આવેલા પોસ્ટ પર લાઈક, કમેન્ટ અને શેર કરી શકાય છે.
વોટ્સએપ પર શેર કરવા અલગ બટન અપાયું છે.
એપમાં કોઈ યૂઝરને ફોલો કરવાનો અવસર પણ મળે છે.
આ એપ ઉડિયા, ગુજરાતી, મરાઠી જેવી અનેક ભાષાઓમાં કામ કરે છે.