- ચીન ભારતને વિવિધ ગેમ દ્વારા બનાવે છે નિશાન
- ગેમિંગ એપ દ્વારા બાળકોને કરાય છે ટાર્ગેટ
- એક રિપોર્ટમાં થયા સૌથી ચોંકાવનારા ખુલાસા
ભારત સરકાર ચીનની કંપનીઓ પર સીધી નજર રાખે છે. આ જ કારણ છે કે છેલ્લા કેટલાક વર્ષોમાં સરકારે ઘણી ચાઈનીઝ એપ્સ પર પ્રતિબંધ મૂક્યો છે. પરંતુ હજુ પણ કેટલીક એપ્સ છે જે ભારતમાં એકદમ એક્ટિવ છે. તેમાં એક એપ 'BabyBus' પણ છે. હવે નિષ્ણાતોએ આના પર સવાલ ઉઠાવ્યા છે. તેમનું કહેવું છે કે આ એપ ભારતીયોનો ડેટા ધરાવે છે જે અગાઉ 8 વર્ષ સુધીના બાળકો માટે ડિજિટલ સામગ્રી પ્રદાન કરતી હતી. આ કંપની પાસે 200 થી વધુ ગેમિંગ એપ્સ છે.
વાંચવા જેવું : iPhone યુઝર્સ મુશ્કેલીમાં! અપડેટ બાદ સામે આવી માથાકૂટવાળી સમસ્યા, પહેલી સૌથી મુશ્કેલ
BabyBus ની ગેમિંગ એપ્સ ભારત અને ઈન્ડોનેશિયામાં ખૂબ જ લોકપ્રિય
ઈન્ટેલિજન્સ ફર્મ સેન્સર ટાવરના રિપોર્ટમાં ખુલાસો થયો છે કે, BabyBus ની ગેમિંગ એપ્સ ભારત અને ઈન્ડોનેશિયામાં ખૂબ જ લોકપ્રિય છે. આ એપ્સ Q3 2023 માં ગેમિંગ એપ ડાઉનલોડનો 60% હિસ્સો ધરાવે છે. બીજી તરફ પ્રાઈવસી રિસર્ચ ફર્મ Incogni એ જણાવ્યું કે, 'ટોપ 11 'Data Hungry' એપ્સમાંથી 3 જે બાળકોને લક્ષ્યાંક બનાવે છે તે ફક્ત BabyBus ની છે.' આ કંપનીની કઈ એપ્સની માલિકી છે તેના વિશે વાત કરતા Baby Panda World: Kids Games : Kids Games (100 મિલિયનથી વધુ ડાઉનલોડ), BabyBus Kids : Video&Game World (10 મિલિયનથી વધુ ડાઉનલોડ્સ) અને Baby Panda ની કિડ્સ પ્લે (10 મિલિયન ડાઉનલોડ્સ) છે. આ તમામ એપ્સ ભારતમાં ગૂગલ પ્લે સ્ટોર પર પણ ઉપલબ્ધ છે.
ટોચની 10 એપ્સમાં ચાર BabyBus એપ્સ
Incogni ના પ્રવક્તાએ જણાવ્યું હતું કે, ભારતમાં બાળકો માટેની ટોચની 10 એપ્સમાં માત્ર ચાર BabyBus એપ્સ છે. જેમાં Little Panda: Pricess Makeup (ચોથું સ્થાન), Little Panda's Ice Cream Game (પાંચમું સ્થાન), Little Panda: Sweet Bakery (સાતમું સ્થાન) અને Baby Panda's School Bus(નવમું સ્થાન)નો સમાવેશ થાય છે. વધુ એક સંશોધનમાં પણ જાણવા મળ્યું કે આ એપ્સ ડિવાઇસ અને અન્ય ID, એપની માહિતી અને પરફોર્મન્સ, એપની ક્રિયાપ્રતિક્રિયા અને ઇન્સ્ટોલ કરેલી એપ્સ, નાણાકીય માહિતી, હિસ્ટ્રી જેવી વ્યક્તિગત માહિતી એકત્ર કરે છે.
વાંચવા જેવું : UKના સ્ટુડન્ટ વિઝા લેવા માંગતા ગુજરાતીઓ ખાસ જાણી લેજો: લાગુ થઈ ગયો કડક નિયમ
