ચીની મીડિયાના સત્તાવાર અખબાર ગ્લોબલ ટાઇમ્સના મુખ્ય સંપાદક હૂ શી જિને પોતાના દેશના લોકોને એ અપીલ કરી છે કે સોશ્યલ મીડિયા પર અમેરિકી રાષ્ટ્રપતિ પ્રતિ કોઈ પણ પ્રકારની નફરત ન ફેલાવે.
અમેરિકાના રાષ્ટ્રપતિ ડોનાલ્ડ ટ્રમ્પ અને તેની પત્ની મેલેનિયા ટ્રમ્પ કોરોના પોઝિટિવ આવતા હવે ચીન આપદામાં અવસર શોધી રહી હોય તેવું લાગી રહ્યું છે. ચીને ફરી એકવાર મિત્રતા અને અમેરિકા તરફ સમર્થન આપ્યું છે.
Saddened to learn #President and the #FirstLady of the #US tested positive. Hope they both have a speedy recovery and will be fine.
અમેરિકા અને ખાસ કરીને ટ્રમ્પ તરફથી સતત કરવામાં આવી રહેલા તીખી ટિપ્પણીઓ અને ચીની સામાન પર પ્રતિબંધ હોવા છતાં ચીને ટ્રમ્પ તરફ કૂણું વલણ દાખવ્યું છે. ચીને હવે એવું કહ્યું છે કે તે ટ્રમ્પ અને તેમની પત્ની જલ્દીથી સ્વસ્થ થાય અને તેમને આ સંકટમાંથી બહાર લાવવા માટે મદદ કરવા તૈયાર છે. આવામાં લાગી રહ્યું છે કે ચીન આ તક જવા દેવા માંગતુ નથી અને તેની કોશિશ છે કે કોઈ પણ પ્રકારે અમેરિકા ચીન પ્રતિ પોતાનું નકારાત્મક વલણ બદલે.
અખબારે લખ્યું છે કે અમેરિકાએ આ દરમ્યાન ચીન વિરુદ્ધ પૂરી દુનિયામાં ઝેર ઓક્યું છે, વૈશ્વિક મહામારી કોરોના માટે ચીનને એકમાત્ર જવાબદાર ઠેરવીને ચીન પર દરેક પ્રકારના પ્રતિબંધ લગાવ્યા છે પરંતુ આવા સંકટના સમયે ચીને અમેરિકાનો સાથ આપવો જોઈએ.
અમેરિકાને કારણે નફરતનો માહોલ વધે છે : ચીની પ્રવક્તા
ગ્લોબલ ટાઈમ્સના અનુસાર ચીની વિદેશ મંત્રાલયના પ્રવક્તાએ તત્કાલ ટ્રમ્પની જલ્દી સાજા થવાની કામના કરનારી ટ્વિટ કરી હતી પરંતુ અફસોસ કે એ જ સમયે અમેરિકી સ્વાસ્થ્ય વિભાગના પ્રવક્તાએ ટ્વિટ કરીને દુનિયાભરમાં કોરોના ફેલાવવા માટે ચીનને જવાબદાર ઠેરવ્યું. આવા સમયે જ્યારે રાષ્ટ્રપતિ અને તેમની પત્ની ગંભીર મહામારીના શિકાર થયા છે ત્યારે રાજકીય નિવેદનબાજી ઠીક નથી અને તેનાથી ટ્રમ્પ અને તેમના પરિવાર પ્રતિ સમર્થન, સંવેદના અને મદદને બદલે નફરતનો માહોલ વધે છે.
ચીન અમેરિકા સાથે સંબંધો સુધારવાની તક છોડવા નથી માંગતુ
ચીન ઈચ્છે છે કે આ સંકટના સમયમાં અમેરિકાની મદદ કરવામાં આવે અને તેની અંદર ચીન વિરોધી ભાવના ખતમ થાય. તેમનું કહેવું છે કે ચીન અને અમેરિકા મળીને આ સંકટને દૂર કરવામાં મોટી ભૂમિકા નિભાવી શકે છે. આ વાત ચીન વારંવાર કેટલાંક મહિનાઓથી કરી રહ્યું છે પરંતુ હવે જ્યારે ખુદ ટ્રમ્પ તેના શિકાર થયા છે ત્યારે ચીન અમેરિકા સાથે સંબંધો સુધારવાની તક છોડવા નથી માંગતું.