ભારત બાદ ચીનને પણ ડિજિટલ સ્ટ્રાઈક કરી છે. ન્યૂઝ એજન્સી રોયટર્સના જણાવ્યાનુંસાર ચીનની સરકારે 105 એપ પર પ્રતિબંધ લગાવવાનો આદેશ જારી કર્યો છે. અમેરિકા સહિત દુનિયાના અનેક મોટા દેશોની ફેમર્સ એપ પર પ્રતિબંધ લગાવ્યો છે. તેમણે તાત્કાલીક એપ સ્ટોર માંથી તેને હટાવવાનો આદેશ આપ્યો છે. ઉલ્લેખનીય છે કે આ વર્ષે ભારતે 3 વાર ચીન પર ડિજિટલ સ્ટ્રાઈક કરી છે. આ વખતે કેન્દ્ર સરકારે 43 મોબાઈલ એપ્લિકેશન્સને સંપૂર્ણ પ્રતિબંધિત કરી નાંખી છે. તે વિવાદ બાદથી અત્યાર સુધી ચીનના લગભગ 220 ચીની મોબાઈલ એપ્સ ભારતમાં બેન કરી દેવામાં આવ્યા છે. આમાં ટિકટોક, પબ્જી અને યૂસી બ્રાઉઝર જેવા પોપ્યુલર એપ પણ સામિલ છે.
આ વર્ષે ભારતે પણ લગાવી ચૂક્યુ છે અનેક એપ પર પ્રતિબંધ
ચીને અમેરિકાની ટ્રાવેલ ફર્મ ટ્રિપ એડવાઈઝર પર પ્રતિબંધ
105 એપ્સને દેશના એપ સ્ટોર્સને હટાવી દીધી
ચીને એપ પર લગાવ્યો પ્રતિબંધ
ચીને અમેરિકાની ટ્રાવેલ ફર્મ ટ્રિપ એડવાઈઝર સહિત 105 એપ્સને દેશના એપ સ્ટોર્સને હટાવી દીધી છે. ન્યૂઝ એજન્સી રોયટર્સના જણાવ્યાનુંસાર નવા અભિયાન હેઠળ આ પ્રતિબંધ લાદવામાં આવ્યો છે. આ એપ પર અશ્લીલ સાહિત્ય, વેશ્યાવૃત્તિ, જુગાર અને હિંસા જેવી સામગ્રી ફેલાવવાનો આરોપ છે. ચીનના સાઈબરસ્પેસ પ્રશાસને મંગળવારે પોતાની વેબસાઈટ પર આપેલા નિવેદનમાં જણાવ્યું છે કે આ એપે કોઈ પણ જાણકારી આપ્યા વગર એકથી વધારે સાઈબર કાયદાનું ઉલંઘન કર્યું છે.
આ વર્ષે ભારતે પણ લગાવી ચૂક્યુ છે અનેક એપ પર પ્રતિબંધ
ભારત સરકારે જૂન 2020માં ટિકટોક સહિત 59 મોબાઈલ એપ્લિકેસન પર પ્રતિબંધ લગાવ્યો હતો. આ ઉપરાંત 2 સપ્ટેમ્બરે 110 અન્ય એપ્લિકેશન પર પ્રતિબંધ લગાવ્યો હતો. જેમાં મોટા ભાગે ચીન સંચાલિત એપ્લિકેશન છે. જેમાંથી અનેક એપ્સ ભારતીય નાગરિકોના ડેટા ચોરી કરવા અને ખાસ કરીને સીમાવર્તી વિસ્તારોમાં રહેનારા લોકો વિશે પ્રોફાઈલિંગ કરી જાણકારી ભેગી કરવાનો આરોપ લગાવ્યો હતો.
ચીનની અવળચંડાઈઓ ખતમ થવાનું નામ નથી લઈ રહી
ઉલ્લેખનીય છે કે ચીનથી ફેલાયેલા કોરોના વાયરસને કારણે સમગ્ર વિશ્વને અનેક સમસ્યાનો સામનો કરવો પડી રહ્યો છે. અધૂરામાં પુરુ ચીની એપ ન ફક્ત ભારતમાં બલ્કે અમેરિકામાં પણ ડેટા ચોરી કરતી હોઈ અમેરિકાએ પણ તેની કેટલીક એપ પર પ્રતિબંધ મુકવાનો નિર્ણય લીધો છે. ત્યારે સૂત્રોનું કહેવું છે કે ચીન અન્ય દેશોમાં તેની સામે થયેલી કાર્યવાહીથી અપમાનીત થયું હતું. જેના કારણે તે પણ આ પ્રકારની અન્ય દેશની એપ પર પ્રતિબંધ લાધીને ખાલી ખમ દેખાવો કરી મન મનામણા કરી રહ્યું છે. જોકે ચીનની અવળચંડાઈઓ ખતમ થવાનું નામ નથી લઈ રહી જેના કારણે તેના પડોશી દેશો સહિત અમેરિકા પણ તેનાથી નારાજ છે.