રિપોર્ટ / પાક બાદ હવે ઇરાન પર ચીનની નજર, મોટા રોકાણની સાથે તહેનાત કરશે 5000 જવાન

ટ્રેડ વોરને કારણે ઘણી જગ્યાએ મંદી જોવા મળી રહી છે તો ક્યાંક રાજનૈતિક બદલાવ પણ જોવા મળી રહ્યા છે. ત્યારે ચીન અને અમેરિકામાં ચાલી રહેલા ટ્રેડ વોર અને ઇરાન અને અમેરિકા વચ્ચે ચાલી રહેલી પરમાણુ ડીલ પર નારાજગી વચ્ચે ચીન અને ઇરાનની મિત્રતા આ પ્રકારે વધવી નવા સંબંધોને હવા આપી રહી છે.

ઇંગ્લેન્ડની પેટ્રોલિયમ ઇકોનોમિસ્ટની એક રિપોર્ટ અનુસાર, ચીન ઇરાનમાં તેલ, ગેસ અને પેટ્રોલિયમના અન્ય ક્ષેત્રોમાં મોટું રોકાણ કરી રહ્યું છે. આ હેઠળ 280 બિલિયન ડોલરના એક નવા પ્રોજેક્ટ પર કામ ચાલી રહ્યું છે. જેની સુરક્ષામાં ચીન પોતાના 5000 સૈનિક ઇરાન મોકલવાનો નિર્ણય કર્યો છે. અને ઇરાન પાસેથી તેની મંજૂરી પણ મળી ગઇ છે. 

નોંધનીય છે કે આ પહેલા ચીન પાકિસ્તાનમાં મોટા રોકાણ કરી ચૂક્યા છે. અને દરેક વખતે તેનો સાથ આપતું જોવા મળ્યું છે. પાકિસ્તાનમાં ચીન ઘણા પ્રોજેક્ટ પર કામ કરી રહ્યું છે, જેમા CPECથી લઇને બંદર બનાવવા સુધી સામેલ છે. 

ઓગસ્ટના અંતિમ સપ્તાહમાં ઇરાનના વિદેશ મંત્રી મોહમ્મદ જારિફે ચીનનો પ્રવાસ કર્યો હતો. જ્યાં એમણે ચીની વિદેશ મંત્રી વાંગ લી સાથે મુલાકાત કરી હતી. આ પ્રવાસમાં 2016માં બંને દેશો વચ્ચે જે ડીલ સાઇન થઇ હતી. એને આગળ વધારવા પર નિર્ણય લેવામાં આવ્યો. આ ઉપરાંત ચીને જુના પ્રોજેક્ટોથી અલગ 120 બિલિયન ડોલરનું રોકાણ કરવાનો નિર્ણય લીધો છે. 

ચીનનું આ રોકાણ રાષ્ટ્રપતિ શી જિનપિંગના મહત્વપૂર્ણ પ્રોજેક્ટ ચીન-પાકિસ્તાન ઇકોનોમિક કોરિડોરનો ભાગ છે. જે વન બેલ્ટ વન રો હેઠળ બનાવાઇ રહ્યો છે. ચીને પાકિસ્તાનમાં પણ મોટું રોકાણ કર્યું છે અને હવે તેની નજર ઇરાન પર છે.