- સુપ્રીમ કોર્ટમાં મોટો ફેરફાર
- તમામ પ્રાદેશિક ભાષામાં બહાર પડાશે સુપ્રીમનો ચુકાદો
- ચીફ જસ્ટીસ ચંદ્રચુડે લીધો નિર્ણય
- ચીફ જસ્ટીસના નિર્ણય પર પીએમ મોદી ખુશખુશાલ
સુપ્રીમ કોર્ટે ચુકાદા સંબંધિત એક મોટો ફેરફાર કર્યો છે. સુપ્રીમ કોર્ટના ચુકાદા હવે પ્રાદેશિક ભાષાઓમાં પણ જોવા મળશે. ચીફ જસ્ટીસ ડીવાય ચંદ્રચુડે ક કાર્યક્રમને સંબોધન કરતાં કહ્યું કે અમારા મિશનનું આગળનું પગલું દરેક ભારતીય ભાષામાં સુપ્રીમના નિર્ણયોની અનુવાદિત નકલો ઉપલબ્ધ કરાવવાનું છે. તેમણે કહ્યું કે નાગરિકો જે ભાષામાં સમજે છે તે ભાષામાં અમે તેમના સુધી નહીં પહોંચીએ તો અમે જે કામ કરી રહ્યાં છે તે 99 ટકા લોકો સુધી નહીં પહોંચે. સીજેઆઈ ડીવાય ચંદ્રચુડે એક કાર્યક્રમને સંબોધિત કરતા કહ્યું કે, "અમારો આગામી ઉદ્દેશ્ય દરેક ભારતીયની ભાષામાં દરેક ભારતીયને સુપ્રીમ કોર્ટના ચુકાદાની નકલો પહોંચાડવાનો છે. તાજેતરના એક કાર્યક્રમમાં, માનનીય સીજેઆઈ જસ્ટિસ ડી.વાય.ચંદ્રચુડે પ્રાદેશિક ભાષાઓમાં સુપ્રીમ કોર્ટના ચુકાદાઓ ઉપલબ્ધ કરાવવાની દિશામાં કામ કરવાની જરૂરિયાત વિશે વાત કરી હતી. તેમણે તેના માટે ટેકનોલોજીનો ઉપયોગ કરવાનું સૂચન પણ કર્યું હતું. આ એક પ્રશંસનીય વિચાર છે, જે ઘણા લોકોને, ખાસ કરીને યુવાનોને મદદ કરશે.
પીએમ મોદીએ કર્યા વખાણ
પીએમ નરેન્દ્ર મોદીએ ચીફ જસ્ટીસનો આ વીડિયો શેર કરીને લખ્યું છે કે આ ખૂબ જ વખાણવા લાયક વિચાર છે. "તાજેતરમાં, એક કાર્યક્રમમાં, માનનીય સીજેઆઈ જસ્ટિસ ચંદ્રચુડે કહ્યું હતું કે સુપ્રીમ કોર્ટના ચુકાદાઓને પ્રાદેશિક ભાષાઓમાં ઉપલબ્ધ કરાવવાની જરૂર છે. તેમણે આ માટે ટેક્નોલોજીનો ઉપયોગ કરવાની વાત કરી છે. આ એક ખૂબ જ પ્રશંસનીય વિચાર છે, તે ઘણા લોકોને, ખાસ કરીને યુવાનોને મદદ કરશે.
પ્રાદેશિક ભાષાઓને પ્રોત્સાહન આપવાનો સરકારનો પ્રયાસ
પીએમ મોદીએ આ વિષય પર બે ટ્વિટ કર્યા છે. "ભારતમાં એવી ઘણી ભાષાઓ છે જે આપણી સાંસ્કૃતિક જીવંતતામાં વધારો કરે છે. કેન્દ્ર સરકાર દેશમાં પ્રાદેશિક ભાષાઓને પ્રોત્સાહન આપવા માટે પણ અનેક મહત્વપૂર્ણ પગલા લઈ રહી છે. પ્રાદેશિક ભાષાઓમાં વિદ્યાર્થીઓને વિષયો પૂરા પાડવાની કવાયત પણ ચાલી રહી છે. જેમાં એન્જિનિયરિંગ અને મેડિસિન જેવા વિષયોનો સમાવેશ થાય છે જે માતૃભાષામાં ઉપલબ્ધ કરાવવામાં આવી રહ્યા છે.
