તફાવત / આ શહેરમાં મળે છે આખા દેશમાં સૌથી સસ્તું પેટ્રોલ, તો અહીં 120 રૂપિયે લિટર પહોંચ્યો ભાવ

• પેટ્રોલ અને ડીઝલના ભાવ વધારાથી જનતા ત્રાહિમામ
• દેશમાં સૌથી સસ્તુ અને સૌથુ વધુ મોઘું અહીં મળે છે પેટ્રોલ
• છેલ્લા બે અઠવાડીયાથી કોઈ વધારો આવ્યો નથી

દેશભરમાં પેટ્રોલ અને ડીઝલના ભાવે લોકોના બજેટ ખોરવી નાખ્યા છે. તો વળી ભારતનું જ એક શહેર છે, જ્યાં પેટ્રોલના ભાવ અમુક અંશે રાહત આપી રહ્યા છે. ઈંધણ કંપનીઓએ લગભગ બે અઠવાડીયાથી પેટ્રોલ અને ડીઝલના ભાવમાં વધારો કર્યો નથી. હાલમાં ભારતમાં સૌથી સસ્તુ પેટ્રોલ પોર્ટ બ્લેયરમાં મળી રહ્યું છે, જેની કિંમત  91.45 રૂપિયા પ્રતિ લિટર છે. બીજી બાજૂ મહારાષ્ટ્રના પરભણિમાં ભારતનું સૌથી મોંઘુ પેટ્રોલ વેચાઈ રહ્યું છે, જ્યાં કિંમત છે 123.47 રૂપિયા પ્રતિ લિટર. રાજધાની દિલ્હીની વાત કરીએ તો, સોમવારે અહીં એક લીટર પેટ્રોલના ભાવની કિંમત 105.41 રૂપિયા છે, તો વળી મુંબઈમાં પેટ્રોલની કિંમત 120.51 રૂપિયા પ્રતિ લિટર છે.

બાકીના શહેરોમાં શું છે હાલત

ડીઝલની કિંમત પર નજર નાખીએ તો, રાજધાની દિલ્હીમાં 96.67 રૂપિયા પ્રતિ લીટરે વેચાઈ રહ્યું છે. તો વળી મુંબઈમાં ડીઝલની કિંમત 104.77 રૂપિયા પ્રતિ લિટર છે. કલકત્તામાં પેટ્રોલના ભાવ 115.12 રૂપિયા સુધી પહોંચી ગયા છે. તો વળી ડીઝલની કિંમત 99.83 રૂપિયે વેચાઈ રહ્યું છે. ચેન્નાઈમાં પેટ્રોલ અને ડીઝલના ભાવ ક્રમશ: 110.85 રૂપિયા અને 100.94 રૂપિયા પ્રતિ લિટરે વેચાઈ રહ્યું છે. 

સરકારે જણાવ્યું વધારા પાછળનું કારણ

કેન્દ્ર સરકારે જણાવ્યું છે કે, ઈંટરનેશનલ માર્કેટમાં ક્રૂડ ઓયલના ભાવમાં વધારાના કારણે દેશમાં પેટ્રોલ અને ડીઝલના ભાવમાં વધારો થઈ રહ્યો છે. જો કે, આંતરરાષ્ટ્રીય બજારમાં ક્રૂડ ઓયલની કિંમત ઓછી થવાના કારણે ભારતમાં ઈંધણના ભાવ ઘટતા નથી. પેટ્રોલ ડીઝલ જ નહીં, ભારતમાં સીએનજીના ભાવમાં પણ વધારો થયો છે અને દિલ્હી મુંબઈ સહિતના લોકોને હવે કંપ્રેસ્ડ નેચરલ ગેસ પણ મોંધો મળી રહ્યો છે.અહીં ઉલ્લેખનીય છે કે, પેટ્રોલ અને ડીઝલના ભાવથી લોકો ત્રાહિમામ પોકારી ઉઠ્યા છે. જો કે, સરકારે હજૂ સુધી ટેક્સ ઘટાડીને લોકોને રાહત આપવા પર વિચાર કર્યો નથી.