મિશન / ચંદ્રયાન-2 હવે આ તારીખે થઇ શકે લોન્ચ, ISRO શરૂ કરી તૈયારી

આપને જણાવી દઇએ કે, 15 જૂલાઈએ ટેક્નિકલ કારણોસર ચંદ્રયાન-2નું લોંચિંગ ટળ્યું હતું. ત્યારે ટેક્નિકલ ફોલ્ટ દૂર કરીને વહેલી તકે લોંચિંગ કરવા માટે તૈયારીઓ કરવામાં આવી રહી છે. કારણ કે, જો 31 જુલાઈ સુધી ચંદ્રયાન લોંચ ન થાય તો વધુ ઇંધણની જરૂર પડે તેવિ પરિસ્થિતિ છે. હાલ ચંદ્રની ફરતે એક વર્ષ ચક્કર લગાવવાનો લક્ષ્યાંક છે ત્યારે વહેલી તકે લોન્ચ ન થાય તો ચક્કર લગાવવાનો સમય પણ ઘટી શકે છે.

ચંદ્રયાન-2 ની ખાસિયત શું છે

ચંદ્રયાન-2 મિશન હેઠળ ચંદ્રની સપાટી પર એક રોવરને ઉતારવામાં આવશે, જે અત્યાધુનિક ઉપકરણોથી સજ્જ હશે. રોવર ચંદ્રની માટીનું વિશ્લેષણક કરશે અને તેમાં મિનરલ્સ સાથે હિલિયમ-2 ગેસની સંભવાના પણ તપાસશે, જે ભવિષ્યમાં ઊર્જાનો સંભવિત સ્ત્રોત હોઈ શકે છે. 

ચંદ્રયાન-2 પર કુલ 14 પેલોડ હશે, જેમાં 13 ભારતના અને એક નાસાનો પેલોડ હશે. ઓર્બિટર પર 8, લેન્ડર પર 4 અને રોવર પર 2 પેલોડ હશે.અમેરિકી સ્પેસ એજન્સી નાસાનું એકમાત્ર પેલોડ લેન્ડર પર હશે.