જાણવા જેવું / આ છે વિષ્ણુ ભગવાનનું જગપ્રસિદ્ધ મંદિર છતાં અહીં નથી વગાડાતો શંખ, જાણો શું છે તેની પાછળનું ચોંકાવનારું રહસ્ય

• હિન્દુ ધર્મમાં શંખનુ વિશેષ મહત્વ 
• આખરે બદ્રીનાથમાં કેમ શંખ વગાડવામાં આવતો નથી?
• જાણો, શંખ ન વગાડવાનુ ધાર્મિક કારણ શુ છે

અહીં ભગવાન વિષ્ણુના મંદિરમાં શંખ વગાડવો પ્રતિબંધિત 

જ્યારે વૈજ્ઞાનિક કારણ કહે છે કે શંખનો અવાજ બરફથી ટકરાઈને પ્રતિધ્વનિ પેદા કરશે. જેનાથી બરફમાં તિરાડ પડવી અથવા બર્ફીલા તોફાનની આશંકા બની શકે છે. હિન્દુ ધર્મમાં શંખનુ વિશેષ મહત્વ છે. દરેક શુભ કાર્યમાં પૂજા શરૂ કરતા પહેલા શંખને વગાડવાનુ પણ વિધાન છે. શંખ વગાડ્યા બાદ શંખમાં પાણી નાખીને પવિત્રતા માટે બધા પર છાંટવામાં આવે છે. ઉત્તરાખંડના ચમોલી જિલ્લામાં ભગવાન બદ્રી વિશાળનુ મંદિર સ્થિત છે, જે આસ્થાનુ પ્રતિક છે અને પંચ બદ્રીમાંથી પહેલા બદ્રી છે. અહીં કપાટ ખુલતા જ મોટી સંખ્યામાં ભક્તોનો ધસારો રહે છે. પરંતુ તમને આ જાણીને આશ્ચર્ય અવશ્ય થશે કે આ મંદિર ભગવાન વિષ્ણુનુ છે, પરંતુ મંદિરમાં શંખ વગાડવો પ્રતિબંધિત છે. જેના બે કારણ છે, પહેલુ વૈજ્ઞાનિક કારણ છે અને બીજુ ધાર્મિક માન્યતા.

વૈજ્ઞાનિક શંખ ન વગાડવા પાછળ આપે છે આ તર્ક 

બદ્રીનાથ ધામમાં હિમવર્ષાથી આખુ બદ્રી ક્ષેત્ર બરફથી ઘેરાયેલુ હોય છે. વૈજ્ઞાનિકોનુ માનવુ છે કે જો આ ક્ષેત્રમાં શંખ વગાડવામાં આવે છે તો શંખનો અવાજ બરફ સાથે અથડાઈને પ્રતિધ્વનિ ઉભી કરશે. જેનાથી બરફમાં તિરાડ પડવી અથવા બરફના તોફાનની આશંકા બની શકે છે. જેનાથી પર્યાવરણને પણ નુકસાન પહોંચશે. ભૂસ્ખલનનુ જોખમ પણ હોઇ શકે છે, તેથી બદ્રીધામમાં શંખ વગાડવામાં આવતો નથી. 

શંખ ન વગાડવાનુ ધાર્મિક કારણ 

બદ્રીનાથ ધામમાં શંખ ન વગાડવા પાછળ આ માન્યતા છે કે માતા લક્ષ્મી જ્યારે બદ્રીનાથ ધામમાં તુલસી રૂપમાં ધ્યાન કરી રહી હતી તો આ દરમ્યાન વિષ્ણુએ શંખચૂર્ણ નામના રાક્ષસનો વધ કર્યો હતો. હિન્દુ ધર્મમાં શુભ કામ કરવા પર શંખ વગાડવામાં આવે છે, પરંતુ ભગવાન વિષ્ણુએ જ્યારે શંખચૂર્ણનો વધ કર્યો તો માતા લક્ષ્મીનુ ધ્યાન ભંગ ના થાય તેથી શંખ ના વગાડ્યો. આ જ કારણ છે કે બદ્રીનાથ ધામમાં શંખ વગાડવામાં આવતો નથી.