મહિલાઓ સાથે દુષ્કર્મ મામલે મહત્વનો નિર્ણય દેશભરમાં 1023 સ્પેશિયલ ફાસ્ટ ટ્રેક કોર્ટ બનાવવા મંજૂરી

અમદાવાદઃ દેશભરમાં મહિલાઓ સાથે દુષ્કર્મ કેસ મામલે મહત્વનો નિર્ણય લેવાયો છે. નિર્ભયા ફંડ હેઠળ બનેલી એમ્પાવર્ડ કમિટી દ્વારા નિર્ણય લેવાયો છે. જે અંતર્ગત દેશભરમાં 1 023 સ્પેશિયલ ફાસ્ટ ટ્રેક કોર્ટ બનાવવા મંજૂરી અપાઇ છે. દુષ્કર્મ પોક્સો હેઠળના પેન્ડિંગ કેસ વિશેષ કોર્ટમાં ચાલશે.

જો કે પ્રથમ તબક્કામાં 9 રાજ્યોમાં 777 કોર્ટ બનાવાશે. બીજા તબક્કામાં 246 કોર્ટ બનાવવાનો નિર્ણય લેવાયો છે. રૂ. 767.25 કરોડના ખર્ચે નવી વિશેષ કોર્ટો બનશે.

મહત્વનું છે કે જાતીય હુમલા-સતામણીના કેસમાં વિશેષ ફોરેન્સિક કિટને પણ મંજૂરી મળી છે. અલગ અલગ રાજ્યોની ફોરેન્સિક સાયન્સ લેબોરેટરીઓ કિટ આપશે. રૂ.107 કરોડના ખર્ચે વિશેષ ફોરેન્સિક કિટ અપાશે.

સાથો સાથ કોંકણના 50 રેલવે સ્ટેશન્સ પર વીડિયો સર્વેલન્સ માટેની પણ મંજૂરી અપાઇ છે. રાજ્ય દીઠ વિહિકલ ટ્રેકિંગ સિસ્ટમ પ્લેટફોર્મને સૈદ્ધાંતિક મંજૂરી અપાઇ.