ચેતવણી / FM રેડિયો ચેનલ્સ બેકાબુ થતા કેન્દ્ર સરકારે વીંઝ્યો કોરડો, તાબડતોબ આવું કામ બંધ કરવાની ચેતવણી

• કેન્દ્ર સરકારે એફએમ રેડિયો ચેનલોને આપી ચેતવણી
• દારુ, ડ્રગ્સ, હથિયારોને લઈને ખોટી વાતો ન ફેલાવો
• નિયમોનું પાલન કરો, ઉલ્લંઘનના કિસ્સામાં થશે દંડ

એફએમ રેડિયો ચેનલ્સ પોતાનો વ્યાપ વધારવા માટે દારૂ, ડ્રગ્સ, હથિયારોના ગુણગાન ગાઈ રહી હોવાનું ધ્યાનમાં આવતાં કેન્દ્ર સરકારે તેમની પર એક કોરડો વીંઝ્યો અને તેમને સીધી ભાષામાં સમજાવી દીધા છે કે હવેથી આવા ખોટા કામનો મહિમા ગાવાનું બંધ કરી દેજો નહીંતર દંડ ભોગવવા તૈયાર રહેજો. 

માહિતી અને પ્રસારણ મંત્રાલયે જારી કરી ચેતવણી 
એફએમ રેડિયો ચેનલોને આપેલી એડવાઈઝરીમાં માહિતી અને પ્રસારણ મંત્રાલયે તેમને મંજૂરી કરાર (જીઓપીએ) અને માઈગ્રેશન ગ્રાન્ટ ઓફ પરમિશન એગ્રીમેન્ટ (એમજીઓપીએ)માં નિર્ધારિત નિયમો અને શરતોનું ચુસ્તપણે પાલન કરવાની અને તેનું ઉલ્લંઘન કરીને કોઈ પણ કન્ટેન્ટનું પ્રસારણ ન કરવાની આકરી ચેતવણી આપી છે. 

Centre cautions FM radio channels against playing songs or broadcasting content glorifying alcohol, drugs, weaponry, gangster/gun culture

— Press Trust of India (@PTI_News) December 1, 2022

ઉલ્લંઘનના કિસ્સામાં દંડનીય કાર્યવાહી કરાશે 
મંત્રાલયે તેની એડવાઇઝરીમાં કહ્યું છે કે કોઈ પણ ઉલ્લંઘનમાં જીઓપીએ / એમજીઓપીએમાં નિર્ધારિત નિયમો અને શરતો અનુસાર યોગ્ય માનવામાં આવે તે રીતે આવી દંડનીય કાર્યવાહી કરવામાં આવશે. 

રેડિયો ચેનલોને કેમ ચેતવણી આપવી પડી
હકીકતમાં મંત્રાલયના ધ્યાનમાં એવી વાત આવી હતી કે કેટલીક એફએમ ચેનલો દારૂ, ડ્રગ્સ, હથિયારો, ગેંગસ્ટર અને ગન કલ્ચરને ગૌરવ આપતી સામગ્રી વગાડતી અથવા પ્રસારિત કરતી સામગ્રી પ્રસારિત કરી રહી છે અને તેને કારણે લોકો અને કૂમળી વયના બાળકોના માનસ પર ખોટી અસર પડી છે જે આગળ જતાં મોટી મુસીબત બની શકે છે તેથી સરકારે તાબડતોબ તેમની ચેતવણી આપીને સુધરી જવાની સલાહ આપી છે.