ફાયદાની વાત / ના હોય! સરકાર આ સ્કીમ અંતર્ગત ખેડૂતોને આપી રહી છે રૂપિયા 36 હજાર, જાણો કઇ રીતે

• ખેડૂતો ઉઠાવી શકે છે કેન્દ્ર સરકારની આ બે યોજનાઓનો લાભ
• PM કિસાન માનધન યોજના અંતર્ગત તમને મળશે દર વર્ષે 36 હજાર રૂ.
• 18થી 40 વર્ષની ઉંમરનો કોઇ પણ ખેડૂત આ યોજનાનો લાભ લઇ શકે

જો તમને પીએમ કિસાન યોજનાના હપ્તાનો લાભ મળી રહ્યો છે તો આ સમાચાર પણ ખાસ તમારી માટે છે પરંતુ તેની માટે કેટલીક શરતોનું પાલન કરવું જરૂરી છે.

દેશમાં ખેડૂતો માટે કેન્દ્ર સરકાર બે મહત્વની યોજનાઓ ચલાવી રહી છે, જેમાં ખેડૂતોને ઘણી આર્થિક મદદ મળી રહે છે. ત્યારે કેન્દ્ર સરકારની આ યોજનામાં પ્રથમ યોજનાનું નામ પીએમ કિસાન યોજના છે અને બીજી યોજનાનું નામ પીએમ કિસાન માનધન યોજના છે. જેમાં પ્રથમ યોજના દ્વારા ખેડૂતોને દર વર્ષે રૂપિયા છ હજારની રકમ આપવામાં આવે છે, જ્યારે બીજી યોજનામાં ખેડૂતોને દર વર્ષે રૂપિયા 36 હજારની રકમ મળી શકે છે. જો કે, આ યોજના એક પેન્શન યોજના છે કે જે 60 વર્ષની ઉંમર બાદ આપવામાં આવે છે.

આપણા દેશમાં ખૂબ મોટી સંખ્યામાં લોકો ખેતી પર નિર્ભર રહે છે. ત્યારે દેશમાં જ્યારે કોરોના લોકડાઉન દરમિયાન વિવિધ પ્રવૃત્તિઓ ઠપ થઈ ગઈ હતી, ત્યારે ખેડૂતોએ ભારતીય અર્થતંત્રમાં ખૂબ મોટો ફાળો આપ્યો હતો. આઝાદી બાદથી સરકાર કૃષિ ક્ષેત્રનું શું મહત્વ રહેલું છે તે સમજે છે અને આ કારણોસર ખેડૂતો માટે વિવિધ યોજનાઓ પણ સરકાર દ્વારા બહાર પાડવામાં આવતી હોય છે.

આખરે શું છે પીએમ કિસાન માનધન યોજના અને કેવી રીતે મળે છે તેનો લાભ?

કેન્દ્ર સરકારની પીએમ કિસાન માનધન યોજના માટે ખેડૂતોએ દર વર્ષે એક સામાન્ય રકમ જમા કરાવવાની હોય છે. 18થી 40 વર્ષની ઉંમર વચ્ચે કોઇ પણ ખેડૂત આ યોજનાનો ફાયદો ઉઠાવી શકે છે. જો કે, જેટલી તમારી ઉંમર હશે તેના હિસાબથી રકમ બદલાતી રહેશે. આ રકમ 55 રૂપિયાથી માંડીને 200 રૂપિયા મહિનાની વચ્ચે આવે છે.

જમા કરાવવાના રહેશે આટલાં રૂપિયા

આ યોજના અનુસાર, જે ખેડૂતની ઉંમર 18 વર્ષથી 29 વર્ષની વચ્ચે છે, તેઓએ 55 રૂપિયાથી લઇને 109 રૂપિયાની વચ્ચેની રકમ દર મહિને જમા કરાવવાની રહેશે. આ સાથે 30થી 39 વર્ષની ઉંમરના ખેડૂતોએ દર મહિને 110 રૂપિયાથી માંડીને 199 રૂપિયાની વચ્ચેની રકમ જમા કરાવવાની રહેશે. જ્યારે આ ખેડૂતોની ઉંમર 60 વર્ષની થઇ જશે, ત્યારે ખેડૂતોને દર મહિને ત્રણ હજાર રૂપિયા મળશે. એટલે કે દર વર્ષે આ ખેડૂતોને 36 હજાર રૂપિયાની રકમ આપવામાં આવે છે.