બેરોજગારી / રોજગારી આપવાના ખાલી વાયદાઓ, કેન્દ્રએ ઘટાડી સરકારી ભરતીઓ

• સરકારે 2020-21માં પાછળના વર્ષની તુલનામાં 31 હજાર નોકરીઓ ઓછી આપી
• સરકાર માત્ર રાજ કરવા માટે થઈને સરકારી ભરતીઓ કરી રહી છે
• 18 મહિના પહેલા લીધેલ પરીક્ષાના પરિણામ પણ બાકી

સરકારે 2020-21માં પાછળના વર્ષની તુલનામાં 31 હજાર નોકરીઓ ઓછી આપી
ભારત છેલ્લા એક વર્ષથી કોરોના મહામારી સામે લડી રહ્યું છે. જેમાં લોકોએ પોતાની રોજગારી ગુમાવી છે, જ્યારે સરકારી નોકરીઓ માટેની તૈયારી કરતાં યુવા વર્ગને પણ રોજગારની ચિંતા સતાવી રહી છે. ટેલિગ્રાફમાં આવેલ એક રિપોર્ટ અનુસાર કેન્દ્ર સરકારે 2020-21માં પાછળના વર્ષની તુલનામાં 31 હજાર નોકરીઓ ઓછી આપી છે. જેને લઈ લોકોમાં સરકાર પ્રત્યે રોષ ફેલાયેલો છે. તે લોકોનું કહેવું છે કે સરકાર માત્ર કમાવા માટે ફોર્મ બહાર પાડે છે. રિપોર્ટમાં લખ્યું છે કે સરકારે ઓછી નોકરીઓ આપી તે પાછળનું મુખ્ય કારણ કોરોના સંકટ છે. દેશની અર્થવ્યવસ્થા પણ મંદ પડી જતાં સરકારે આઉટ સોર્સિંગના કામમાં રહેલા પદોની સંખ્યામાં ઘટડો કર્યો છે. જ્યારે બીજી બાજુ મહામારીને લીધે પરીક્ષાઓનું સંચાલન પણ થયું નથી. 

સરકાર માત્ર રાજ કરવા માટે થઈને સરકારી ભરતીઓ કરી રહી છે
એક બેરોજગાર યુવક અજીત સોનકરનું કહેવું છે જે તેને આ વાતને લઈ કોઈ પણ આશ્ચર્ય નથી. તેનું કહેવું છે કે "સરકાર માત્ર રાજ કરવા માટે થઈને સરકારી ભરતીઓ કરી રહી છે, નોકરી આપવામાં સરકારને કોઈ રસ નથી" તેણે કહ્યું કે મારા જેવા ઘણા બેરોજગાર લોકોને તમે જોઈ શકો છો. મારા જેવા લગભગ 20 લાખ યુવાઓએ ડિસેમ્બર 2019માં કેન્દ્રીય કર્મચારી આયોગની સંયુકત ઉચ્ચતર માધ્યમિક સ્તરની પરીક્ષા માટે આવેદન આપ્યું હતું, એક વર્ષ પહેલા અમે લેખિત પરીક્ષા પણ આપી હતી. પણ હજી સુધી પરિણામો આવ્યા નથી. 

18 મહિના પહેલા લીધેલ પરીક્ષાના પરિણામ પણ બાકી 
આ પરીક્ષાના પરિણામ બાદ અમને ટાઈપિંગ ટેસ્ટ માટે જવાનું હોય છે. સામાન્ય રીતે પરીક્ષા થયા બાદ તેનું છેલ્લું પરિણામ આવવા માટે વર્ષનો સમય લાગતો હોય છે. પણ આ વખતે આ પ્રક્રિયા છેલ્લા 18 મહિનાથી ચાલી રહી છે અને હવે અમને કોઈ પ્રકારની આશા નથી. NSOએ આપેલ માહિતી અનુસાર, રાષ્ટ્રીય પેન્શન યોજના માટે આવેલ નવી અરજીઓ 2020-21 માં 1,18,843 થી ઘટીને માત્ર 87,423 થઈ ગઈ છે. જ્યારે કોઈ પણ આવેદક કેન્દ્રની નોકરી મેળવે છે ત્યારે તેમને NPSનું સભ્ય બનવું પડે છે. આ આંકડા સ્પષ્ટ કરે છે કે આ કેન્દ્રએ સરકારી નોકરીઓ ઓછી કરી છે.