પ્લાસ્ટિક લોકોના જીવનનો ભાગ બની ગઈ છે. માર્કેટમાં સામાન લાવવાથી લઈને ચીજ વસ્તુઓ પેક કરવા સુધી લોકો પ્લાસ્ટિકનો ઉપયોગ કરે છે. એવામાં કેન્દ્ર સરકારે સિંગલ યૂઝ પ્લાસ્ટિક પર આગામી વર્ષથી પ્રતિબંધ લગાવવાનો નિર્ણય લીધો છે.
પ્લાસ્ટિક લોકોના જીવનનો બન્યું ભાગ
કેન્દ્ર સરકાર આગામી વર્ષથી લગાવશે પ્રતિબંધ
સિંગલ યૂઝ પ્લાસ્ટિક અને તેના વેચાણ પર લગાવાશે પ્રતિબંધ
1 જુલાઈ, 2022 બાદ થશે પ્રતિબંધ
1 જુલાઈ 2022 બાદ દેશમાં સિંગલ યૂઝ પ્લાસ્ટિકમાંથી બનનારા સામાનને બનાવવા અને સ્ટોકમાં રાખવા અને તેના વેચાણ પર સંપૂર્ણપણે પ્રતિબંધ લગાવી દેવામાં આવશે. કેન્દ્ર સરકારે Plastic Waste Management Amendment Rules, 2021 હેઠળ આગામી વર્ષ જુલાઈમાંથી પ્રતિબંધ થતી વસ્તુઓની એક યાદી જાહેર કરી. જેમાં સિંગલ યૂઝ પ્લાસ્ટિકમાંથી બનતી ઘણી ચીજ વસ્તુઓ સામેલ છે. આ વસ્તુઓનો ઉપયોગ આપણે દરરોજ જીવનજરૂરીયાતની ચીજ વસ્તુઓમાં કરીએ છીએ.
આ વસ્તુઓ પર મુકાશે પ્રતિબંધ
એર બર્ડસ અને પ્લાસ્ટિક સ્ટિક
ફૂગ્ગાવાળી પ્લાસ્ટિક સ્ટિક
પ્લાસ્ટિકના ધ્વજ
કેન્ડી સ્ટિક અને આઈસ્ક્રીમ સ્ટિક
સજાવટ માટેનું થર્મોકોલ
પ્લેટ, કપ, ગ્લાસ, ચમચી, છરી અને ટ્રે જેવા પ્લાસ્ટિકના વાસણો
મિઠાઈના ડબ્બા, આમંત્રણ કાર્ડ અને સિગરેટના પેકેટની ચારે તરફ લગાવેલું પ્લાસ્ટિક
100 માઈક્રોનથી પણ ઓછું પ્લાસ્ટિક અથવા પીવીસી બેનર
પ્લાસ્ટિકની બેગની જાડાઈમાં પણ થશે ફેરફાર
પર્યાવરણ, વન અને ક્લાયમેટ ચેન્જ મંત્રાલય તરફથી જાહેર કરવામાં આવેલી સુચના મુજબ, પ્લાસ્ટિક બેગની જાડાઈ 30 સપ્ટેમ્બર, 2021થી 50 માઈક્રોનથી વધારીને 75 માઈક્રોન અને 31 ડિસેમ્બર, 2022થી 120 માઈક્રોન સુધી કરવામાં આવશે. જોકે કમ્પોસ્ટેબલની મોટાઈની કોઈ સીમા નક્કી કરવામાં આવી નથી. પરંતુ તેના વેચાણ માટે કેન્દ્રીય પ્રદૂષણ નિયંત્રણ બોર્ડ પાસેથી મંજૂરી લેવી પડશે. મહત્વનું છે કે, વડાપ્રધાન નરેન્દ્ર મોદીએ જૂન 2018માં જાહેરાત કરી હતી કે તેમની સરકાર 2022 સુધી દેશમાં દરેક પ્રકારના સિંગલ યૂઝ પ્લાસ્ટિકને સમાપ્ત કરી દેશે.