નવી ગાઈડલાઈન / હોમ આઇસોલેટ કોરોના દર્દીઓ માટે કેન્દ્રની નવી ગાઈડલાઇન, જાણો કઈ રીતે થશે સારવાર

• કેન્દ્રએ હોમ આઈસોલેટ દર્દીઓ માટે નવી ગાઈડલાઈન જાહેર કરી
• 3 દિવસ સુધી તાવ ન આવે આઈસોલેશનનો સમયગાળો પૂરો 
• કુલ 7 દિવસમાં હોમ આઈસોલેટ કરેલા દર્દીને છૂટો કરાશે 

કોરોનાના વધતા કેસો વચ્ચે કેન્દ્રીય સ્વાસ્થ્ય મંત્રાલય દ્વારા અમુક નવી ગાઈડલાઈન જાહેર કરવામાં આવી છે. જેમા જે દર્દીઓને સામાન્ય લક્ષણો છે અથવા તો લક્ષણો નથી તેમના માટે આ ગાઈડલાઈન જાહેર કરવામાં આવી છે. 

આઈસોલેટના સમયગાળા બાદ ટેસ્ટની જરૂર નથી 

મંત્રાલયે જાહેર કરેલી નવી ગાઈડલાઈન પ્રમાણે પોઝિટીવ આવેલા દર્દીને 7 દિવસમાં છૂટો કરવામાં આવશે પરંતુ તેને 3 દિવસ સુધી તાવ નહી હોય તો તેનો આઈસોલેશન સમયગાળો પણ પૂરો થશે. હોમ આઈસોલેશનનો સમય પૂરો થાય બાદ દર્દીને ટેસ્ટ કરવાની પણ કોઈ જરૂર નહી પડે. 

દર્દીએ ટ્રીપલ લેયર માસ્ક પહેરવું જરૂરી 

જોકે મંત્રાલય દ્વારા કહેવામાં આવ્યું છે કે સંક્રમિત વ્યક્તિ તેની કોઈ પણ વસ્તુ અન્યને ન આપી. સંક્રમિત દર્દીનું ટેમ્પ્રેચર અને તેનું ઓક્સિજન લેવલ સતત ચેક કરવામાં આવે  જો તેમા ખામી લાગે તો તુરંત હોસ્પિટલને જાણ કરવામાં આવે઼. આઈસોલેશન દરમિયાન પણ દર્દીએ ટ્રીપલ લેયર માસ્ક જરૂરથી પહેરી રાખવું જોઈએ અને 72 કલાકમાં તેને કાપીને ફેકી દેવું જોઈએ. મંત્રાલયે આપેલી ગાઈડલાઈન પ્રમાણે દર્દીએ હાથ પણ વારંવાર ધોવા જોઈએ અને શરીરમાં પાણીની અછત ન થાય તેનું પણ ધ્યાન રાખવું જોઈએ. 

તબીબના સંપર્કમાં સતત રહેવું 

નવી ગાઈડલાઈન પ્રમાણે મંત્રાલય દ્વારા કહેવામાં આવ્યું છે કે દર્દીએ સતત તબીબના સંપર્કમાં રહેવાનું અને પેનીક થવાની કોઈ જરૂર નથી સાથેજ ફેક મેસેજોથી સાવધાન રહેવા પણ કહ્યું છે. આ સીવાય જો નીચે જણાવેલા લક્ષણો દર્દીમાં જણાય તો તેણે તુરંત હોસ્પિટલનો સંપર્ક કરવો જરૂરી છે. 

Union Health Ministry issues revised guidelines for home isolation of mild/asymptomatic COVID-19 patients pic.twitter.com/5OyCGGM2qh

— ANI (@ANI) January 5, 2022

ક્યારે કરશો હોસ્પિટલનો સંપર્ક 

તાવ 3 દિવસથી 100 કરતા વઘારે હોય તો 
શ્વાસ લેવામાં તકલીફ થવી
ઓક્સિજન લેવલ પણ ઓછું થવું  
છાતીમાં સતત દુખાનો થવો 
વધારે પ્રમાણમાં થાક લાગવો તેમજ હાડકા દુખવા