જરુરી ખબર / Flipkart પરથી જો તમે પણ આ સામાન ખરીદ્યો છે તો સાવધાન, હલકી ગુણવત્તા બદલ કંપની પર સરકારની મોટી કાર્યવાહી

• ફ્લિપકાર્ટે ગ્રાહકો સાથે આચરી છેતરપિંડી
• હલકી કક્ષાના પ્રેશર કૂકર ગ્રાહકોને વેચ્યાં 
• ફ્લિપકાર્ટને 598 પ્રેશર કૂકર પાછા ખેંચવાનો CCPAનો ઓર્ડર 

લોકો હવે ઓનલાઈન ખરીદી તરફ વળ્યાં છે. આ માટે તેઓ સૌથી જાણીતી અને વિશ્વસનીય ઈ કોમર્સ વેબસાઈટ ફ્લિપકાર્ટનો વધારે પડતો ઉપયોગ કરી રહ્યાં છે.  ફ્લિપકાર્ટ પર લોકો મન મૂકીને ખરીદી કરી રહ્યાં છે પરંતુ હવે લોકોએ સાવધાન થઈ જવાની જરુર છે કારણ કે ફ્લિપકાર્ટ દ્વારા લોકોને હલકી કક્ષાની ઘરેલુ ચીજવસ્તુઓ વેચવાનો મામલો સામે આવતા સરકારે તેની સામે કાર્યવાહી કરી છે. 

CCPA (Central Consumer Protection Authority) penalises Flipkart for selling sub-standard pressure cookers to consumers; to pay penalty of Rs 1 Lakh. Flipkart has been directed to recall 598 pressure cookers that do not follow Quality Control Orders and reimburse the consumers. pic.twitter.com/mr8xkxSrCQ

— ANI (@ANI) August 17, 2022

ફ્લિપકાર્ટે લોકોને હલકી કક્ષાના પ્રેશર કૂકર વેચ્યાં 
ફ્લિપકાર્ટે લોકોને હલકી કક્ષાના પ્રેશર કૂકર વેચ્યાં હોવાનું સામે આવતા સરકારે તરત પગલાં લીધા છે. કેન્દ્રીય ઉપભોક્તા મંત્રાલય હેઠળની સેન્ટ્રલ કન્ઝ્યુમર પ્રોટક્શન ઓથોરિટી (CCPA)એ ફ્લિપકાર્ટને 1 લાખનો દંડ ફટકાર્યો છે. સાથે કંપનીને 598 પ્રેશર કૂકર પાછા ખેંચી લેવાનો આદેશ આપ્યો છે. 

CCPA directs Flipkart to recall pressure cookers, reimburse money to consumers and submit compliance report in 45 days

— Press Trust of India (@PTI_News) August 17, 2022

598 પ્રેશર કૂકર પાછા ખેંચીને ગ્રાહકોને પૂરા પૈસા પાછા આપો- CCPAનો ફ્લિપકાર્ટને આદેશ 
CCPA દ્વારા જારી ઓર્ડરમાં એવું કહેવાયું કે કંપની દ્વારા જે પ્રેશર કૂકર વેચવામાં આવ્યાં છે તે ક્વોલિટી કન્ટ્રોલ ઓર્ડરના નિયમોનું પાલન કરતી નથી. CCPAએ ફ્લિપકાર્ટને 598 પ્રેશર કૂકર પાછો ખેંચવાનો અને ગ્રાહકોને પૂરા પૈસા પાછા આપવાનો પણ ઓર્ડર આપ્યો છે.