સીસીઆઈએ મારુતિ સુઝુકી ઈન્ડિયા લિમિટેડ MSIL પર 200 કરોડ રુપિયાનો દંડ ફટકાર્યો છે.
સીસીઆઈએ MSIL પર 200 કરોડ રુપિયાનો દંડ ફટકાર્યો
મારુતિ કંપનીએ કોમ્પિટિશનના નિયમોનો ભંગ કર્યો છે- CCI
11 સીમેન્ટ કંપનીઓ પર સંઘ બનાવી કિંમત નક્કી કરવા પર 6 હજાર કરોડનો દંડ
સીસીઆઈએ MSIL પર 200 કરોડ રુપિયાનો દંડ ફટકાર્યો
ભારતના પ્રતિસ્પર્ધા આયોગે મારુતિ સુઝુકી ઈન્ડિયા લિમિટેડ MSIL પર મોટી કાર્યવાહી કરી છે. મારુતિ સુઝુકી દેશની સૌથી મોટી કાર બનાવનારી કંપની છે. જેના પર સીસીઆઈએ 200 કરોડ રુપિયાનો દંડ ફટકાર્યો છે.
મારુતિ કંપનીએ કોમ્પિટિશનના નિયમોનો ભંગ કર્યો છે- CCI
CCIનું માનવું છે કે મારુતિ કંપનીએ કોમ્પિટિશનના નિયમોનો ભંગ કર્યો છે જેના કારણે દંડ ફટકારવામાં આવ્યો છે. CCI એ આરોપ લગાવ્યો છે કે મારુતિ ડીલર્સ પર દબાણ કરી કારો પર ડિસ્કાઉન્ટ નક્કી કર્યુ. મારુતિની વિરુદ્ધ વર્ષ 2019માં CCIએ તપાસ શરુ કરી જેમાં કારો પર ડિસ્કાઉન્ટને લઈને આરોપ લગાવ્યા હતા. રોયટર્સની એક રિપોર્ટમાં કહેવામાં આવ્યું છે કે મારુતિએ દબાણના ચાલતા કાર ડીલરોમાં વેચાણ માટે હોડ જોવા મળી છે. જેનાથી ગ્રાહકોને નુકસાન થયું કેમ કે ડીલર કોઈ દબાણ વગર પોતાની રીતે ભાવ અને ડિસ્કાઉન્ટ નક્કી કરતા તો કારની કિંમત ઓછી થઈ શકતી હતી.
શું છે કારણ?
21 જૂન 2012 આ રીતનું મોટું પગલુ CCIએ ભર્યુ જેમાં દેશની 11 સીમેન્ટ કંપનીઓને વ્યાપાર સંઘ બનાવીને કિંમત નક્કી કરવા પર ગુનેગાર ઠરાવ્તા 6 હજાર કરોડનો દંડ ફટકાર્યો. મારુતિ સુઝુકી ઈન્ડિયા લિમિટેડના મામલામાં CCI એ એોક તપાસ કરી અને કંપનીને આદેશ આપ્યો કે આ પ્રકારના કામથી તે પોતાને દૂર રાખે. CCI એ 200 કરોડનો દંડ ફટકારી તેને 60 દિવસમાં જમા કરવાનો નિર્દેશ આપ્યો છે.
પેસેન્જર વ્હીકલ સેગમેન્ટમાં રિસેલ પ્રાઈસ મેન્ટેનન્સના નિયમમાં મારુતિ સુઝુકી પર દંડ લગાવ્યો છે. કાર ડીલરની સાથે ડિસ્કાઉન્ટ કન્ટ્રોલ પોલીસીમાં ગડબડી જોવા મળ્યા બાદ CCIએ દંડ ફટકારવાનો નિર્ણય કર્યો છે. CCI એ જોયું કે MSILએ પોતાના ડિલરોની સાથે એક સમજૂતિ હતી જે અંતર્ગત ડીલરો MSIL તરફથી આપવામાં આવેલી નિયત છુટથી વધારે છુટ ગ્રાહકોને આપતા રોકી દેવામાં આવ્યા હતા. એટલે કે જે છૂટ મારુતિ સુઝુકીએ નક્કી કર્યા છે ડીલરોએ તેનું પાલન કરવાનું હતુ.
શું કહ્યું CCIએ
જો કોઈ ડીલર મારુતિ સુઝુકી તરફથી નક્કી દરથી વધારે પોતાની રીતે વધારે ડિસ્કાઉન્ટ આપવા માંગતા હતા તો તે માટે MSILની પરવાનગી લેવી પડતી હતી. જો કોઈ ડીલર પોતાની રીતે છૂટ આપતા હતા તે તેમના પર દંડ લગાવવામાં આવતો હતો અને તેમને ડિસ્કાઉન્ટ પોલિસીનો સંદર્ભ ટાકવામાં આવતો હતો. ડીલરોની વિરુદ્ધ જ નહીં બલ્કે ડીલરશિપના એજન્ટો, ડાયરેક્ટ સેલ્સ એક્ઝિક્યૂટિવ, રિઝનલ મેનેજર, શોરુમ મેનેજર, ટીમ લીડર વગેરે પર દંડ ફટકારવામાં આવતો હતો.