મહામારી / કોરોનાએ બદલી રહેણીકરણી, 2024થી ડીઝલ ગાડીઓ પર અહીં મુકાશે પ્રતિબંધ

• કોરોનાએ બદલી રહેણીકરણી
• અનેક મોટા શહેરોમાં બદલાવની શરૂઆત
• ઘણા શહેરોમાં કાર પર પ્રતિબંધ

કાર્બન ઉત્સર્જન ઘટાડવા અને પ્રદૂષણ પર નિયંત્રણ માટે જરૂરી ઉપાય કરવામાં આવી રહ્યાં છે. તો પેરિસના મેયર એન હિડાલ્ગોએ 1400 કિલોમીટર રસ્તા પર સાયકલ લેન બનાવાવનો નિર્ણય કર્યો છે. મેયર હિડાલ્ગોએ હજારો પાર્કિંગ સ્પેસ ખતમ કરી અને મહત્વના રસ્તાઓ પર કારની અવરજવર બંધ કરી દીધી છે. 

પેરિસમાં 2024થી ડીઝલ કાર પર પણ પ્રતિબંધ

પેરિસમાં 2024થી ડીઝલ કાર પર પણ પ્રતિબંધ લગાવી દેવાશે. પેરિસમાં લોકડાઉનમાં 49 કિલોમીટર રસ્તાને સાયકલ લેનમાં બદલી દેવાયા છે. જેને કોરોના લેન્સ નામ અપાયું છે. તો મિલાનના મેયર ગુઇસેપેનો 30 કિલોમીટરમાં સાયકલ લેન બનાવવાનો પ્રસ્તાવ છે. 

કાર પર પણ ટોલટેક્સ 

જ્યારે લંડનના મેયર સાદિક ખાને શહેરના આંતરિક વિસ્તારમાં આવનારી કાર પર પણ ટોલટેક્સ વધારી દીધો છે. સંયુક્ત રાષ્ટ્રના આંકડાઓ મુજબ ધરતીના કુલ ક્ષેત્રફળમાં 2 ટકા ભાગ જ શહેરોનો છે. જ્યાં વિશ્વની 78 ટકા ઉર્જાનો ઉપયોગ થાય છે. 

જે 60 ટકાથી વધુ કાર્બન ઉત્સર્જન છોડે છે. પ્રતિ વ્યક્તિ સૌથી વધુ કાર્બન છોડનારા વિશ્વના 100 શહેરોમાંથી 63 શહેર અમેરિકાના છે. જ્યારે બીજા સ્થાને ચીન છે. ચીનના 14 શહેર છે. બાકી 23 શહેર અન્ય દેશોમાં છે.