ઓટો / ડિસેમ્બરમાં મારૂતિ અને મહિન્દ્રાની કાર્સ એટલી વેચાઈ કે ઓટો ઈન્ડસ્ટ્રી ખુશ થઈ જશે

• મારુતિ સુઝુકી અને મહિન્દ્રા એ જણાવ્યું કે ઘરેલૂ બજારમાં તેમની કારોનું વેચાણ ડિસેમ્બરમાં વધ્યું
• હ્યુન્ડાઇ (Hyundai) અને ટોયોટા (Toyota) એ જણાવ્યું કે તેમના વાહનોનું વેચાણ ઘટ્યું
• મારુતિ સુઝુકીએ જણાવ્યું કે, ડિસેમ્બર મહીનામાં તેણે ઘરેલૂ બજારમાં 124,375 વાહનોનું વેચાણ કર્યું છે

મારુતિ સુઝુકીએ બુધવારે શેયર બજારને જણાવ્યું કે, ડિસેમ્બર મહીનામાં તેણે ઘરેલૂ બજારમાં 124,375 વાહનોનું વેચાણ કર્યું છે, જે એક વર્ષ પહેલા આ મહીનામાં 121,479 એકમો હતું. ઓઇએમને મિલાવી કંપનીનું કુલ વેચાણ ડિસેમ્બરમાં વધીને 133,296 વાહનો પર પહોંચી ગયું. મારુતિએ 3.9 ટકાની વૃદ્ધિ નોંધી છે. 

કંપનીએ કહ્યું કે સમીક્ષાવાળા મહીનામાં અલ્ટો સહિત મિની શ્રેણીના વાહનોનું વેચાણ 13.6 ટકા ઘટીને 23,883 એકમો પર આવી ગયું. જોકે, New Wagon R, Swift, Celerio, Dzire સહિત કોમ્પેક્ટ શ્રેણીનું વેચાણ લગભગ 28 ટકા વધીને 65,673 એકમો પર પહોંચી ગયું છે. 

Mid size sedan કાર Ciazનું વેચાણ 62.3 ટકા વધીને 1786 એકમો પર પહોંચી ગયું. જિપ્સી (Gipsy) અને અર્ટિંગા (Ertiga) સહિત યૂટિલિટી વાહનોનું વેચાણ 17.7 ટકા વધીને 23,808 એકમ થઇ ગયું. મારુતિએ કહ્યું કે, એપ્રિલ-ડિસેમ્બર દરમિયાન તેનું ઘેરલૂ વેચાણ લગભગ 17 ટકા ઘટીને 11 લાખ એકમો પર આવી ગયું. 

મહિન્દ્રાના વેચાણમાં ડિસેમ્બરમાં વધારો

ઘરેલૂ વાહન નિર્માતા કંપની મહિન્દ્રા એન્ડ મહિન્દ્રા (Mahindra and Mahindra)નું ઘરેલૂ બજારમાં વાહન વેચાણ ડિસેમ્બર મહીનામાં એક ટકા વધ્યું છે. યાત્રી અને યૂટિલિટી વાહનોના વેચાણમાં વધારાએ કંપનીના વાણિજ્યિક વાહનોના વેચાણમાં આવેલા ઘટાડાને ઓછો કર્યો છે. 

મહિન્દ્રાએ બુધવારે શેયર બજારને આપેલી જાણકારીમાં કહ્યું કે, ડિસેમ્બર 2019માં તેના ઘરેલૂ બજારમાં વાહનનું વેચાણ વધીને 37,081 એકમો પર પહોંચી ગયું. એક વર્ષ પહેલા આ મહીનામાં જ તેણે 36,690 વાહન વેચ્યા હતા. આ દરમિયાન યાત્રી વાહનોનું વેચાણ 4 ટકા વધીને 15,691 એકમો, જ્યારે યૂટિલિટી વાહનોનું વેચાણ 10 ટકા વધીને 15,225 એકમો પર પહોંચી ગયું. 

જોકે, અર્થવ્યવસ્થામાં મંદી અને ગ્રામીણ વેચાણ ઓછુ રહેવાને કારણે મહિન્દ્રાના વાણિજ્યિક વાહનોનું વેચાણ 5 ટકા ઘટીને 16,018 એકમોનું રહી ગયું. 

ડિસેમ્બર 2019માં કંપનીની વાહન નિકાસ 30 ટકાના ઘટાડા સાથે 2,149 વાહન રહી ગયું. તેથી કંપનીનું કુલ વેચાણ એક ટકા ઘટીને 39,230 વાહન રહી ગયું. કંપનીનું એપ્રિલ-ડિસેમ્બર દરમિયાન કુલ વેચાણ 11 ટકા ઘટીને 3.6 લાખ વાહન રહ્યું છે. જ્યારે નિકાસ ઘટવાની સાથે તેનું કુલ વેચાણ 12 ટકા ઘટીને 3.8 લાખ એકમોનું રહી ગયું.