સુરેન્દ્રનગર / ધ્રાંગધ્રા-અમદાવાદ હાઇવે પર કાર-ટેન્કર વચ્ચે અકસ્માત, એક જ પરિવારના 3ના મોત

સુરેન્દ્રનગર અમદાવાદ હાઇવે પર કાર અને ટેન્કર ઘડાકાભેર અથડાતા એક જ પરિવારના 3 સભ્યોના ઘટના સ્થળે જ કમકમાટીભર્યા મોત નિપજ્યા હતા. જેમાં 2 મહિલા અને એક પુરુષનું મોત નિપજ્યું છે. પોલીસે ઘટના સ્થળે પહોંચી વધુ તપાસ હાથ ધરી છે.

મળતી માહિતી મુજબ, સુરેન્દ્રનગરમાં અમદાવાદ હાઈવે પર મોડી રાત્રે ઈનોવા કાર અને ટેન્કર ઘડાકભેર અથડાયા હતા. આ અકસ્માત ધ્રાંગધ્રા અમદાવાદ હાઈવે પર માલવણ ગામ પાસે બન્યો હતો. આ ગમખ્વાર અકસ્માતમાં એક જ પરિવારના 3 લોકોના મોત નિપજ્યા હતા. રાત્રિનો સમય હોવાથી કાર અને ટેન્કર વચ્ચે કેવી રીતે અકસ્માત થયો તેનું કારણ હજી જાણી શકાયું નથી.