લુખ્ખાગીરી /  VIDEO: ચાર જણા એકસાથે ઘૂસ્યા, જે હાથમાં આવ્યું એ લઈને માર્યો: પાલનપુરમાં કાર ધોવા બાબતે ક્રૂરતા

• પાલનપુરમાં કાર વોશિંગ મામલે હુમલો 
• દુકાન સંચાલકો પર 4 શખ્સનો હુમલો
• તીક્ષ્ણ હથિયાર વડે હુમલો કરતા ઈજા

ગુજરાતમાં અસામાજિક તત્વોનો ત્રાસ દિવસેને દિવસે વધી રહ્યો છે. પોલીસનો ડર ન રહ્યો હોય તેમ લુખ્ખાતત્વો બેફામ બની સામાન્ય જનતાને હેરાન કરી રહ્યા હોય તેવા અનેક બનાવો સામે આવી રહ્યા છે ત્યારે બનાસકાંઠાના પાલનપુરમાં કાર વોશિંગ મામલે હુમલાની ઘટનાથી ચકચાર મચી છે. 

ખાનગી એસેસરીઝ એન્ડ વોશિંગ દુકાનના સંચાલકો સામે મારામારી થઈ છે. દુકાન સંચાલકો પર 4 શખ્સોએ હુમલો કર્યો હતો. કાર વોશિંગ ન કરી આપતા અસમાજિક તત્વો ઉશ્કેરાઈ ગયા હતા. અભદ્ર ભાષાનો ઉપયોગ કરી સંચાલકોને ધમકાવ્યા હતા. અને બાદમાં મારામારી કરી ઈજાઓ પહોંચી હતી.તીક્ષ્ણ હથિયાર વડે હુમલો કરતા બે યુવકને ઘાયલ કરી દીધા હતા. ઈજાગ્રસ્ત બંને યુવકો પાલનપુર સિવિલમાં ખસેડાયા છે. હુમલો કરનારા 4 શખ્સો સામે પશ્ચિમ પોલીસ મથકે ફરિયાદ નોંધાઇ છે. હુમલાની સમગ્ર ઘટના દુકાનમાં લાગેલા CCTV માં કેદ થઈ જેમાં મારામારી અને દાદાગીરીના દ્રશ્યો સ્પષ્ટ રીતે જોઈ શકાય છે.