તમારા કામનું / આ સરકારી બેંકે લોકોને દિવાળી પર આપી સૌથી મોટી ભેટ, લોકોને મળશે એક્સ્ટ્રા પૈસા

• આ બેંકે આપી દિવાળીની ભેટ
• બેંકના ગ્રાહકોને ફાયદો જ ફાયદો
• બેંકે FD પર વધાર્યું વ્યાજ 

દિવાળી 2022 પર દરેક જગ્યાએ કંઈકને કંઈક ઓફર ચાલી રહી છે. આ દરમિયાન લોકોને અનેક ડિસ્કાઉન્ટ પણ મળે છે. હવે એક સરકારી બેંકે મોટું પગલું ભર્યું છે. વાસ્તવમાં આ બેંકે FD પર વ્યાજ વધાર્યું છે. તેની સીધી અસર બેંક સાથે જોડાયેલા લોકો પર પડશે, જેમણે પોતાની FD કરાવી લીધી છે. 

જાહેર ક્ષેત્રની કેનેરા બેંકે રૂ. 2 કરોડથી ઓછીની FD પર વ્યાજ દરમાં વધારો કર્યો છે. બેંકની સત્તાવાર વેબસાઇટ અનુસાર નવા રેટ 7 ઓક્ટોબર, 2022થી લાગુ થશે. વ્યાજ વધારવાથી ગ્રાહકોને વ્યાજના રૂપમાં વધારાના પૈસા પણ મળશે.

આટલા રૂપિયામો વધારો 
બેંકે 7 દિવસમાં પાકતી FD પર વ્યાજ દર 2.90% થી વધારીને 3.25% અને 46 દિવસથી 90 દિવસમાં પાકતી FD પર 25 બેસિસ પોઈન્ટ્સ (bps) 4% થી વધારીને 4.25% કર્યો છે. આ સિવાય 91 દિવસથી 179 દિવસમાં પાકતી FD પર હવે 4.50%ના દરે વ્યાજ મળશે, જે પહેલા 4.05% હતું. તેમાં 45 બેસિસ પોઈન્ટનો વધારો કરવામાં આવ્યો છે. આ સિવાય 180 દિવસથી 269 દિવસમાં પાકતી FD પર 5.90% થી વ્યાજ મળશે. અગાઉ તે 4.65% હતો. તેમાં 125 બેસિસ પોઈન્ટનો વધારો કરવામાં આવ્યો છે.

આમાં પણ થયો વધારો 
આ સિવાય કેનેરા બેંકે 270 દિવસથી એક વર્ષથી ઓછી પાકતી મુદતવાળી FD પર તેના વ્યાજ દરમાં 135 બેસિસ પોઈન્ટ્સ (bps) 4.65% થી 6.00% સુધીનો વધારો કર્યો છે. બેંકે 1 વર્ષથી 2 વર્ષમાં પાકતી FD પર વ્યાજ દર 5.50% થી વધારીને 6.50% કર્યો છે. તેમાં 100 બેસિસ પોઈન્ટનો વધારો કરવામાં આવ્યો છે. આ ઉપરાંત, 1 વર્ષ કે તેથી વધુ પરંતુ 2 વર્ષથી ઓછા સમયગાળામાં પાકતી FD પર વ્યાજ દર 5.55% થી વધારીને 6.50% કરવામાં આવ્યો છે. તેમાં 95 bps નો વધારો કરવામાં આવ્યો છે.

લાંબા સમયની FD 
આ સિવાય 666 દિવસમાં પાકતી FD પર વ્યાજ દર 6% થી વધીને 7.00% થઈ ગયો છે. તેમાં 100 બેસિસ પોઈન્ટનો વધારો કરવામાં આવ્યો છે જ્યારે 2 વર્ષ કે તેથી વધુ પરંતુ 3 વર્ષથી ઓછા સમયગાળામાં પાકતી FD પરનો વ્યાજ દર 5.60% થી વધીને 6.50% થયો છે. તેમાં 90 બેસિસ પોઈન્ટનો વધારો કરવામાં આવ્યો છે.

FD પર વ્યાજ 
કેનેરા બેંકે 3 વર્ષ અને તેથી વધુ સમયગાળામાં પાકતી FD પર તેનો વ્યાજ દર 5.75% થી વધારીને 6.50% કર્યો છે. તેમાં 75 bps નો વધારો કરવામાં આવ્યો છે અને 5 વર્ષ અને તેથી વધુ સમયગાળામાં પાકતી FD પર વ્યાજ દર 5.75% થી વધારીને 7.00 કરવામાં આવ્યો છે. તેમાં 125 bps નો વધારો કરવામાં આવ્યો છે.