Singh is King / આ ભારતીય મૂળના વ્યક્તિની મદદથી જસ્ટ્રિન ટ્રુડો કેનેડામાં સરકાર બનાવી શકશે

• કેનેડામાં ફરી સરકાર બનાવાની નજીક જસ્ટિન ટ્રુડો
• ભારતીય મૂળના જગમીત સિંહ બની શકે છે કિંગ મેકર
• જગમીત સિંહની પાર્ટીને મળી છે 24 બેઠક

જસ્ટિન ટ્રુડોની પાર્ટીને કરી શકે છે સમર્થન

મંગળવારે કેનેડાની ચૂંટણીના મળેલા આંકડા મુજબ જસ્ટિન ટ્રુડોની લિબરલ પાર્ટીને 157 બેઠક મળી છે. જ્યારે બહુમતિ માટે કુલ 170 સીટ આવશ્યક છે. જ્યારે જગમીત સિંહની પાર્ટી ડેમોક્રેટસ કુલ 24 સીટ મળી છે. આમ જસ્ટિન ટ્રુડોની પાર્ટીને સમર્થન કરી શકે છે. 

કેનેડાની કુલ 338 બેઠકનું પરિણામ

લિબરલ પાર્ટી (જસ્ટિન ટ્રુડો) : 157
ન્યૂ ડેમોક્રેટ્સ (જગમીત સિંહ) : 24
કંજરવેટિવ પાર્ટી : 121
બ્લોક ક્યૂબેકૉઇસ : 21
ગ્રીન પાર્ટી : 3
અપક્ષ : 1

જગમીત સિંહ કેમ બન્યા કિંગમેકર

કેનેડામાં ચૂંટણીના પરિણામ આવ્યા બાદ ગ્રીન પાર્ટી અને બ્લોક ક્યૂબેકૉઇસ પાર્ટીના પ્રમુખ નેતાઓએ લિબરલ પાર્ટીને સમર્થન આપવાનો ઇન્કાર કર્યો છે. આમ હવે કેનેડામાં સત્તાની ચાવી ન્યૂ ડેમોક્રેટ્સ એટલે કે જગમીત સિંહની હાથમાં આવી ગઇ છે. જો જગમીત સિંહની પાર્ટી જસ્ટિન ટ્રુડો સાથે આવે છે તો તેની સરકાર સ્થિર થઇ શકે છે. 

કોણ છે જગમીત સિંહ ?

જગમીત સિંહ પોતે ક્રિમિનલ વકીલ છે જેઓ આ વખતે કેનેડાની સત્તામાં કિંગમેકર બનીને આવ્યાં છે. જગમીત સિંહે 2011માં પોતાના રાજકીય કેરિયરની શરૂઆત કરી છે. જગમીત સિંહ 2015માં પાર્ટીના ઉપાધ્યક્ષ બનાવ્યા અને 2017માં પાર્ટીની કમાન સોંપવામાં આવી. જગમીત સિંહ ઘણી વખત પ્રો-ખાલિસ્તાનની રેલીમાં સામેલ થયા છે જેને લઇને ભારતમાં તેમનો ઘણો વિરોધ થયો છે.