મહામારી / અમદાવાદીઓ માટે મોટા સમાચાર! આ તારીખ સુધી બંધ રહેશે કેમ્પ હનુમાન મંદિર, જાણી લો વિગત

• કેમ્પ હનુમાન મંદિર રહેશે બંધ
• 7 ફેબ્રુઆરી સુધી મંદિર બંધ
• કોરોના કેસોને લઇ નિર્ણય

અમદાવાદ શહેરનું કેમ્પ હનુમાન મંદિર 7  ફેબ્રુઆરી સુધી બંધ રહેશે 

કોરોના કારણે અમદાવાદના શાહીબાગમાં વિસ્તારમાં આવેલું કેમ્પ હનુમાન મંદિર ટ્રસ્ટ દ્વારા તારીખ 31 જાન્યુઆરી, 2022 સુધી મંદિર બંધ રાખવાનો નિર્ણય લેવામાં આવ્યો હતો. જો કે,શહેરમાં કોરોના વધતું જતું સંક્રમણ અને આર્મી કેંટોલમેન્ટમાં કોવિડ કેસ હોવાથી તેમજ શનિવારે મંદિર ખાતે દર્શનાર્થીઓની ભીડ થતાં મંદિર ટ્રસ્ટ દ્વારા અગામી 7મી ફેબ્રુઆરી પુનઃ મંદિરમાં દર્શનાર્થીઓ માટે પ્રતિબંધ લાદ્યવામાં આવ્યો હતો. 

શક્તિપીઠ અંબાજી મંદિર દર્શનાર્થીઓ માટે ખુલ્લુ મુકાશે

ઉલ્લેખનીય છે કે, કોરોનાના વચ્ચે વધેલા સંક્રમણનાં કારણે બંધ કરવામાં આવેલું શક્તિપીઠ અંબાજી મંદિરની પ્રવેશ બંધી મુદ્દત આજે પૂર્ણ થતા દર્શનાર્થીઓ માટે મંદિર ખુલ્લુ મુકાયું હતું. આજે સવારે 7.30થી 11.30 દરમિયાન રાબેતા મુજબ દર્શન શરૂ થઈ ગયા છે. તો બપોરે 12.30થી 4.15 સુધી અને સાંજે 7થી 9 વાગ્યા દરમિયાન દર્શન કરી શકાશે. બીજી તરફ આજ રીતે ગબ્બર પર્વત પર પણ શ્રદ્ધાળુઓ દર્શન  કરી શકશે. આ સાથે કચ્છનું નારાયણ સરોવર-કોટેશ્વર મંદિરની પણ મુદ્દત પૂર્ણ થતાં આજ થી પુનઃ ખોલવામાં આવ્યું છે.