કામની વાત / ઓનલાઇન ફ્રોડ થાય તો તરત આ નંબર પર કૉલ કરો, બચી જશે તમારી મહેનતની કમાણી 

• છેતરપિંડીથી બચવા માટેનો નંબર 
• ઓનલાઇન ફ્રોડ થાય તો તરત કરો સંપર્ક 
• સાઇબર ક્રાઇમ થતા અટકાવો 

રોજ બને છે છેતરપિંડીના કિસ્સા 
રોજબરોજ કોઇને કોઇ સાથે ફ્રોડ થતુ રહે છે પરંતુ જાણકારીના અભાવને કારણે લોકો સમય અને યોગ્ય જગ્યા પર પોતાની સાથે થયેલા ફ્રોડની ફરિયાદ નથી કરી શકતા. ઓનલાઇન ફ્રોડને રોકવા માટે હોમ મિનિસ્ટ્રી અને દિલ્હી પોલીસની સાઇબર સેલની ટીમે હાથ મિલાવ્યો છે. 

દિલ્હીમાં લેવાયુ યોગ્ય પગલુ 
હોમ મિનિસ્ટ્રી અને દિલ્હી પોલીસની સાયબર સેલે 155260 હેલ્પલાઇન નંબર શરૂ કરી દીધો છે. જો તમે કોઇ પણ પ્રકારના ઓનલાઇન ફ્રોડના શિકાર થાઓ છો તો તરત જ આ હેલ્પલાઇન નંબર પર ફોન કરો. 7 થી  8 મિનીટની અંદર તમારા ખાતામાંથી ઉપડેલા પૈસા જે ખાતામાં ટ્રાંસફર થયા હશે તે રકમ હોલ્ડ પર જતી રહેશે. 

ઓનલાઇન ફ્રોડની ઘટનાઓને રોકવા માટે ગૃહમંત્રાલયે સાઇબર પોર્ટલ https://cybercrime.gov.in/ અને દિલ્હી પોલીસની સાઇબર સેલે 155260 પાયલટ પ્રોજેક્ટ ગયા નવેમ્બરમાં શરૂઆત કરી હતી પરંતુ હવે તેને સંપૂર્ણ રીતે લોન્ચ કરી દેવામાં આવી છે. હાલ પૂરતી આ સેવા દિલ્હીમાં છે બાદમાં સમગ્ર ભારતમાં શરૂ થઇ જશે. 

55 બેન્ક્સ, ઇ વોલેટ્સ, ઇ કોમર્સ સાઇટ્સ, પેમેન્ટ ગેટવેઝ તેમજ અન્ય સંસ્થાઓ સાથે મળીને આ એક ઇન્ટરકનેક્ટ પ્લેટફોર્મ છે. જેનુ નામ સિટિઝન ફાઇનાન્સિયલ સાઇબર ફ્રોડ રિપોર્ટીંગ સિસ્ટમ છે. આ પ્લેટફોર્મ દ્વારા ખુબ ઓછા સમયમાં ઓનલાઇન ફ્રોડના શિકાર થયેલા લોકોને બચાવી શકાશે. આ હેલ્પલાઇનના માધ્યમથી અત્યાર સુધી 21 લોકોના 3 લાખથી વધુ રૂપિયા બચાવ્યા છે. 

આ હેલ્પલાઇન નંબરની 10 લાઇન છે, જેનાથી આ નંબર કોઇને બિઝી ન આવે. જો તમે હેલ્પલાઇન નંબર 155260 પર કોલ કરો છો તો તમારુ નામ, નંબર અને ઘટનાની ટાઇમિંગ પૂછવામાં આવશે. બેઝિક ડિટેઇલ્સ લઇને સંબંધિત પોર્ટલ અને ઇ કોમર્સના ડેશબોર્ડ પર મોકલી દેવામાં આવશે. ફ્રોડના 2 થી 3 કલાક સૌથી મહત્વના હોય છે. જલ્દી બની શકે તેટલુ ફરિયાદ નોંધાવી દેવી જોઇએ.