વડોદરા / મહાદેવના નંદીને દૂધ પીવડાવવા ભક્તોની ભીડ, હર હર મહાદેવના નાદથી ગૂંજ્યુ મંદિર

વડોદરાના ગોત્રી વિસ્તારમાં આવેલા શિવ મંદિરમાં નંદી દૂધ પીતા હોવાની જાણ થતા મોટી સંખ્યામાં ભક્તો ઉમટી પડ્યા હતા. ગોત્રી ખાતે આવેલા ભગવાન મહાદેવના મંદિરમાં નંદી મહારાજને દૂધ પીવડાવવા લાઇનો લાગી હતી. ત્યારે આ વીડિયોમાં તમે જોઇ શકો છે કે, એક શ્રદ્ધાળું ચમચીમાં દૂધ લઇને નંદીના મુખ પર મુકી રહ્યો છે અને ત્યાર બાદ ધીરે ધીરે ચમચીમાંથી દૂધ ખાલી થઇ જાય છે. હાલ દૂધ પીતા નંદીની ચર્ચા સમગ્ર વડોદરામાં થઇ રહી છે. ત્યારે 2 દિવસ બાદ શ્રાવણ મહિનો શરૂ થવા જઇ રહ્યો છે ત્યારે શ્રદ્ધાળુંઓ આને ભગવાન મહાદેવનું ચમત્કાર માની રહ્યો છે.