આજના યુગમાં EMI પર સ્માર્ટફોન સહિત બીજી વસ્તુઓની આડેધડ ખરીદી કરી રહેલા લોકોના કામની ખબર છે. સરવાળે EMI તમને કેટલું મોંઘુ પડે છે જોઈએ આ અહેવાલમાં.
આજના યુગમાં EMI પર વસ્તુઓ ખરીદવાનો રાફડો ફાટ્યો
લોકો મનફાવે તેમ EMI પર વસ્તુઓ ખરીદી રહ્યાં છે
આવા લોકો માટે EMIનો ખેલ સમજવો જરુરી
મોટાભાગના ઇ-કોમર્સ પ્લેટફોર્મ અને રિટેલ સ્ટોર્સમાં હવે EMIનો વિકલ્પ છે. EMI પર તમે સ્માર્ટફોન અને અન્ય ઈલેક્ટ્રોનિક વસ્તુઓ સરળતાથી ખરીદી શકો છો. તમે ત્રણથી લઈને 36 મહિના સુધીના EMI પર વિવિધ બેંકો દ્વારા આ પ્લેટફોર્મ્સ પરથી સ્માર્ટફોન અને અન્ય ઇલેક્ટ્રોનિક વસ્તુઓ ખરીદી શકો છો. આ ઓફર ડેબિટ અને ક્રેડિટ કાર્ડ પર ઉપલબ્ધ છે.મોટાભાગની બેંકો 12 થી 18 ટકાના વાર્ષિક વ્યાજ દરે EMI આપે છે. તમે ફક્ત એક જ વિક્રેતા એટલે કે માત્ર એક જ રિટેલર દ્વારા વેચાયેલી વસ્તુઓ માટે EMI વિકલ્પ પસંદ કરી શકો છો.
શું છે EMIનો ખેલ?
આપણે એક ઉદાહરણ સાથે EMIના આખા ખેલને સમજી શકીએ છીએ. ધારો કે તમે ફ્લિપકાર્ટથી એપલ આઈફોન 12 મિની ખરીદવા માંગો છો. તેનું 64જીબી સ્ટોરેજ વેરિઅન્ટ ફ્લિપકાર્ટ સેલમાં 38,999 રૂપિયામાં ઉપલબ્ધ છે. જો તમે 3 મહિનાના EMI માટે 13 ટકાના દરે પ્લાન પસંદ કરો છો, તો તમારે દર મહિને 13,283 રૂપિયા ચૂકવવા પડશે.
સમજો આ ઉદાહરણથી
એટલે કે તમે આ ફોન માટે કુલ 39,849 રૂપિયા આપી રહ્યા છો. એટલે કે આ ફોનને ખરીદવા માટે તમે 850 રૂપિયા વધુ ખર્ચ કર્યા છે. તે જ સમયે, જો તમે 15 ટકાના દરે 36 મહિનાના EMIનો પ્લાન પસંદ કરો છો, તો તમારે દર મહિને 1352 રૂપિયા ખર્ચ કરવા પડશે. એટલે કે આ ફોન માટે તમારે કુલ 48,672 રૂપિયા ખર્ચ કરવા પડશે. આના પરથી સ્પષ્ટ થાય છે કે તમે 38,999 રૂપિયાના ફોન માટે 9,673 રૂપિયાનો વધારે ખર્ચ કર્યો છે.
શું તમારે EMI પર ફોન ખરીદવો જોઈએ?
EMI પર કોઈપણ ઉત્પાદન ખરીદવાના તેના પોતાના ફાયદા અને ગેરફાયદા છે. સેલમાં ઘણી વખત તમને નો-કોસ્ટ EMIનો વિકલ્પ મળે છે, જે એક સારો વિકલ્પ છે. સાથે જ સ્માર્ટફોન એક એવી પ્રોડક્ટ છે, જે વ્યાજના ઊંચા દરે ખરીદવા માટે એક સારો વિકલ્પ છે. સમય જતાં સ્માર્ટફોનનું વેલ્યુએશન ઘટશે, તેથી તેને ઊંચા ઈએમઆઈ રેટ પર ખરીદવો એ સારો વિકલ્પ નથી. સાથે જ રિપેમેન્ટના ડિફોલ્ટની પણ તમારા ક્રેડિટ સ્કોર પર ખાસ્સી અસર પડે છે. તે વધુ સારું છે કે તમે તમારા બજેટ અનુસાર સ્માર્ટફોન પસંદ કરો.
EMI પર સ્માર્ટફોન ખરીદવાથી ટૂંકી રાહત તો મળે છે પણ સરવાળે મોંઘુ પડે છે
ફાઈનાન્સ નિષ્ણાંતો જણાવી રહ્યાં છે કે લોકો આપણે ક્યાં રોકડા કાઢવા છે લઈ લો ઈએમઆઈ પર વસ્તુઓ એવી માનસિક છાપ ધરાવતા હોય છે તેથી તેમને ઈએમઆઈનું છુપું નુકશાન દેખાતું નથી અને આડેધડ ખરીદી રહ્યાં છે પરંતુ EMI સ્માર્ટફોન ખરીદવાથી ટૂંકા ગાળામાં તો રોકડા કાઢવા પડતા ન થી પરંતુ સરવાળે તમારા ખિસ્સામાંથી વધારે પૈસા ખર્ચાય છે તે નક્કી છે.