અસર / કાશ્મીરની અસર શૅરબજાર પર, 1 કલાકમાં સેન્સેક્સમાં 600 પૉઇન્ટ્સનો ઘટાડો

બજારની શરૂઆતમાં જ સેન્સેક્સમાં 675 પોઇન્ટનો ઘટાડો થઇને સેન્સેક્સ 36,443ની સપાટી પર આવી ગયો હતો. નિફ્ટી પણ 209 પૉઇન્ટ તૂટીને 10,788ની સપાટીએ ખુલ્યો હતો. જમ્મૂ-કાશ્મીરમાં ચાલી રહેલી હલચલ પર કેબિનેટની બેઠકની અસર શૅર બજારમાં નેગેટિવ જોવા મળી હતી. આ જ કારણથી ગત અઠવાડિયાના ઘટાડાની અસર પણ હજુ જોવા મળી રહી છે. આ કારણથી ચીનની કરન્સી યુઆન અમેરિકન ડોલરની સરખામણીએ સોમવારે 1 %થી વધારે નબળી થઈને 11 વર્ષની નીચી સપાટીએ આવી ગઈ હતી.

Sensex at 36,678.07, down by 440.15 points. pic.twitter.com/ye0FIHLjEA

— ANI (@ANI) August 5, 2019

સેન્સેક્સમાં 30માંથી 28 અને નિફ્ટીમાં 50માંથી 48 શેર્સમાં ઘટાડો નોંધવામાં આવ્યો છે. ઈન્ડિયાબુલ્સ હાઉસિંગ ફાઈનાન્સનો શેર 6 % તૂટ્યો છે. વેદાંતામાં 5 %નું નુકસાન જોવા મળી રહ્યું છે. ટાટા મોટર્સના શેરમાં 4 %નો ઘટાડો થયો છે. રિલાયન્સ ઈન્ડસ્ટ્રીઝના શેરમાં 3 %નો ઘટાડો થયો છે. જ્યારે ટીસીએસ 1.63 %, INFY 1.02%, HDFC 0.09 % ફાયદામાં હતા. 

ગત અઠવાડિયો શૅર બજારમાં માર્કેટ કેપમાં 6 મહિનામાં પહેલી વખત 2 લાખ કરોડ ડૉલર નીચે પહોંચી ગયુ. ફેડ રિઝર્વ દ્વારા વ્યાજદરોમાં ઘટાડો, ઑટોમોબાઇલ સેક્સટરની ખરાબ સ્થિતિ અને ટ્રેડ વૉરને કારણે માર્કેટમાં સંકટથી પસાર થઇ રહ્યુ છે. 

નિષ્ણાતો અનુસાર, નબળા વિદેશી બજારો અને અમુક સ્થાનિક ખરાબ સંકેતોનો કારણે શૅરબજારમાં ઘટાડો થયો છે.  આજ કારણથી ચીનની કરન્સી યુઆન અમેરિકન ડોલરની સરખામણીએ સોમવારે 1 %થી વધારે નબળી થઈને 11 વર્ષની નીચી સપાટીએ આવી ગઈ હતી. અન્ય દેશોની કરન્સી ઉપર પણ તેની અસર થઈ છે. ડોલરની સરખામણીએ રૂપિયો 70.22 સુધી પડીને 3 મહિનાની નીચે સપાટીએ આવી ગયો છે. શેર બજાર ઉપર પણ તેની અસર જોવા મળી છે. બીજી બાજુ કાશ્મીર મુદ્દે પણ રોકાણકારો ચિંતામાં જોવા મળી રહ્યા છે.