હિમાચલ પ્રદેશની રાજધાની શિમલામાં મોટી દુર્ઘટના થઈ છે. બસમાં ખીણમાં ખાબકતા એક મહિલાનું મોત થઈ ગયું છે.
શિમલામાં મોટી દુર્ઘટના ઘટી
પેસેન્જર ભરેલી બસ ખીણમાં ખાબકી
એક મહિલાનું થયું મોત
હિમાચલ પ્રદેશની રાજધાની શિમલામાં મોટી દુર્ઘટના થઈ છે. બસમાં ખીણમાં ખાબકતા એક મહિલાનું મોત થઈ ગયું છે. જ્યારે 20થી વધારે લોકો ઘાયલ થયા છે. પ્રાપ્ત વિગતો અનુસાર જોઈએ તો, આ દુર્ઘટના હીરા નગર વિસ્તારમાં થઈ છે. જ્યાં હિમાચલ રોડવેઝની બસ રસ્તા પરથી લગભગ 100 મીટર નીચે ખીણમાં ખાબકી હતી. આ દુર્ઘટના બુધવારે બપોરે થઈ હતી.
આપને જણાવી દઈએ કે, હિમાચલ પરિવહન નિગમની બસ નગરોટાથી શિમલા જઈ રહી હતી. આ બસમાં 20થી 23 લોકો સવાર હોવાની સૂચના મળી હતી. તમામ ઘાયલ લોકોને શિમલાની આઈજીએમસી હોસ્પિટલમાં ભરતી કરવામાં આવ્યા છે. જ્યાં તેમની સારવાર ચાલી રહી છે.
Around 20-23 people got injured after a bus met with an accident in Shimla's Hira Nagar. Two passengers are trapped under the bus. The injured have been shifted to the hospital. Police present on the spot. More details awaited: Himachal Pradesh Emergency Operation Centre
રિપોર્ટમાં જણાવ્યા અનુસાર 1 વ્યક્તિમાં બસમાં ફસાયો હોવાની સૂચના મળી રહી છે. દુર્ઘટનાના સમાચાર મળતા પોલીસ અને પ્રશાસનની ટીમ ઘટના સ્થળે દોડી ગઈ હતી અને રાહત તથા બચાવ કાર્ય હાથ ધર્યું હતું.
આપને જણાવી દઈએ કે, એક દિવસ પહેલા એટલે કે, મંગળવારે પણ શિમલામાં એક પિકઅપ વાન ખીણમાં ખાબકી હતી. જેમાં એક વ્યક્તિનું મોત થઈ ગયું હતું.પિકઅપ વાન શિમલા મંડીમાંથી સફરજન ઉતાર્યા બાદ પાછી ફરી રહી હતી. આ દુર્ઘટનામાં બે યુવકો ઘાયલ પણ થયા હતા.