દાદાગીરી / VIDEO: ગાંધીનગરમાં માથાભારે કમરૂદિનની પત્નીએ ભરબજારમાં વેપારીને ઝીંકી દીધા લાફા, પતિ પણ લુખ્ખાઓ સાથે પહોંચ્યો

• ગાંધીનગરમાં માથાભારે દંપતીની દાદાગીરી  
• ભરબજારમાં વેપારીને મહિલાએ લાફા ઝીંકી દીધા 
• મહિલાએ વેપારીને માર મારી હત્યા કરવાની આપી ધમકી

ગુજરાતમાં આમ જોવા જઇએ તો અસામાજિક તત્વોનો ત્રાસ કંઇ ઓછો નથી. ત્યારે ગાંધીનગરથી એક વીડિયો સામે આવ્યો જેમાં માથાભારે દંપત્તીની દાદાગીરીથી સૌને ચોંકાવી દીધા. આ વીડિયોમાં જોઇ શકાય છે કાપડની દુકાનમાં મહિલા દાદાગીરી પર ઉતરી આવી. દુકાનના લોકો સાથે માથાકૂટ કરી રહેલી આ મહિલા વાત વાતમાં  વેપારીને લાફો મારતી પણ જોવા મળી છે. આટલુ ઓછુ હોય તેમ મહિલાએ વેપારીને માર મારીને હત્યા કરાવાની પણ ધમકી આપી.

સાડીના વેપારીને મહિલાએ લાફા ઝીંકી દીધા

ગાંધીનગર સેક્ટર 21માં સાડીની દુકાનમાં આ બબાલ થઇ હતી. આ મહિલા માથાભારે શખ્સ કમરુદ્દીનની પત્ની છે. જેણે સાડીના વેપારી સાથે સામાન્ય બાબતમાં ઝઘ઼ડો કરી દીધો અને વેપારીને 3 લાફા ઝીંકી દીધા.  વાત જાણે એમ હતી કે કમરુદ્દીનની પત્ની ફાલ્ગુની ચાંદની ડ્રેસીસ નામની દુકાન ચલાવે છે. વેપારીએ પોતાની દુકાન આગળ દબાણ ન કરવાનું કહેતા આ મહિલાએ મારામારી કરી. આટલુ ઓછુ હોય તેમ માથાભારે શખ્સ પણ પત્નીનો પક્ષ લઇને સાગરિતો સાથે દુકાને આવી પહોંચ્યો હતો. મહિલાએ વેપારી સાથે બોલાચાલી કરીને મારા મારી કરતા મામલો ઉગ્ર બન્યો હતો.