સશક્તિકરણ / VIDEO: 40 BSF મહિલાઓની બુલેટ રાઇડ જોઈ ધકધક થઈ ઊઠશો, હિમંતનગરમાં થયું ઉમળકાભેર સ્વાગત, હવે કન્યાકુમારી જશે

• 40 સાહસી મહિલાઓની બુલેટ રાઇડ
• મહિલા સશક્તિકરણ અને ગૌરવ માટે યાત્રા
• દિલ્લીથી કન્યાકુમારી સુધી યાત્રા

દેશમાં મહિલા સશક્તિકરણની વાતો તો બહુ મોટી મોટી થાય છે.પરંતુ ધરાતલ પર જોઇએ તેવુ કોઇ પણ પ્રકારનું કામ થતુ નથી.રાજકીય પાર્ટીઓ વોટ માટે મહિલા સંબંધિત એકાદ જાહેરાત કરીને સંતોષ માની લે છે પરંતું ચૂંટણી બાદ સંતોષકારક કામગીરી જોવા મળતી નથી.ત્યારે દેશની મહિલાઓના સશક્તિકરણ અને તેમનામાં આત્મબળ અને જાગૃતિ લાવવા તથા મહિલાઓ પણ કોઇ પણ પ્રકારની મુશ્કેલીનો સામનો કરવા સક્ષમ છે તેવા સંદેશ સાથે દિલ્લીથી BSF અધિકારી સહિત 40 જેટલી મહિલાઓ બૂલેટ રાઇડ પર નીકળી છે.

સારો સંદેશો લઈ હિંમતનગર થી અમદાવાદ પહોંચી બૂલેટ રાઇડર મહિલાઓ 
સામાન્ય રીતે સ્ત્રી સમાનતાની વાતો થાય છે પરંતુ કેટલીક જગ્યાએ મહિલાઓ ખુદ પોતાની દીકરીને ઘરની બહાર નીકળવા દેતા નથી ત્યારે દિલ્હીથી નીકળી આ બુલેટ રાઈડની યુવતીઓએ રસ્તામાં આવતા આવતા મહિલાઓને મળી તેમને પોતાના ઉદાહરણ આપી અને તેમની દીકરી પણ આ બધું કરી શકે છે તેવું જણાવ્યું હતું.દિકરીઓ બહાર નીકળે અને પુરુષની જેમ બાઈક રાઈડ કરે તે માટેનો સંદેશૌ લઈને આ બી એસ એફની મહિલાઓ નિકળી પડી છે.હાલમાં આ મહિલાઓ રોજનું 290 કિલોમીટરનું અંતર કાપી રહી છે અને આજે હિંમતનગર પહોચી હતી અને હિંમતનગર થી અમદાવાદ રવાના થઈ હતી.

૫૨૮૦ કિલોમીટરનું અંતર કાપશે..
દિલ્હી થી શરૂ થયેલી આ ૪૦ મહિલાઓની બુલેટ રાઇડ ૫૨૮૦ કિલોમીટરનું અંતર કાપી કન્યાકુમારી પહોંચશે તેઓ દિલ્હી થી ચંદીગઢ બાદમાં અમૃતસર ઉદેપુર થઈને આજે હિંમતનગર પહોંચ્યા હતા.હિંમતનગર રોયલ એનફિલ્ડ ના શો રૂમ માં તેમનું સ્વાગત કરવામાં આવ્યું હતું અહીંથી તેઓ બેંગ્લોર થઈને કન્યાકુમારી જવા રવાના થયા હતા ઉલ્લેખનીય છે કે રોયલ એનફિલ્ડ પોગ્રામ નિકોલ ઓપરેશન કરી આ 40 યુવતીઓને ૪૦ રોયલ એનફીલ્ડ બુલેટ ભેટ આપ્યા હતા અને આ તમામ મહિલાઓ સ્ત્રી સશક્તિકરણનો સંદેશો લઈ નિકળી પડી છે.

સૌ કોઈની નજર આ મહિલા શક્તિ પર..
સમગ્ર રીતે બુલેટ જેવી મોટરસાયકલ પર પુરુષો ફરતા જોવા મળે છે જ્યારે આ ચાલીસ મહિલા રાઇડર હિંમતનગર શહેરમાંથી પસાર થઈ ત્યારે સૌ કોઈની નજર આ મહિલાઓ પર ટકેલી હતી અને તેમને જોતાં  લોકો  સમજી જતા હતા કે આ મહિલાઓ પુરુષો થી કમ નથી.