બિહારનાં સહરસા જિલ્લામાં એક શો રુમનાં માલિક અને સુશાંતસિંહ રાજપૂતનાં સંબંધી રાજકુમાર સિંહ પર અજાણ્યા શખ્સોએ રસ્તા પર ગોળીબાર કર્યો.
ગોળીબારીની ઘટના બાદ પોલીસે વધુ તપાસ હાથ ધરી
ઘટના બાદ તુરંત પીડિતને ક્લિનિકમાં ખસેડાયા
માલિક સાથે કર્મચારી પર ઘાયલ સ્થિતિ ગંભીર
અજાણ્યા શખ્સોએ ગોળીઓ વરસાવી
બિહારનાં સહરસા જિલ્લામાં શનિવારે દિવસ દરમિયાન બાઈક સવાર હથિયારધારી શખ્સોએ યામાહા શો રુમનાં માલિક પર ગોળીઓ વરસાવી. ગોળીબારીની આ ઘટનામાં શોરુમનાં માલીક સહિત એક કર્મચારી જખમી થયો હતો. ઘટનાની જાણકારી મળતા જ બંને જખમીઓને સારવાર માટે ગંગજલા ચૌક સ્થિત ક્લિનિકમાં દાખલ કરવામાં આવ્યા. શો રુમનાં માલિક રાજકુમાર સિંહને પગમાં ગોળી વાગી, જ્યારે બીજા જખમી બૈજનાથપુર નિવાસી અમીર હસનને કમરનાં ભાગમાં ગોળી વાગી અને તેની સ્થિતિ ગંભીર બની ગઈ છે. તમે એ જાણીને ચોંકી જશો કે ગોળીનો શિકાર બનનાર રાજકુમાર સિંહ બોલિવૂડનાં દિવંગત એક્ટર સુશાંતસિંહ રાજપુતનો સંબંધી છે.
બાઈક ઓવર ટેક કરી ઘણા રાઉન્ડ ગોળીબાર કરાયો
રાજકુમાર સિંહનું સહરસા અને મધેપુરામાં શો રુમ છે. શનિવારે સવારી આશરે દસ કલાકે તે તેનાં કર્મચારી સાથે મેકેનિક હસનની સાથે બાઈક પર મધેપુરા સ્થિત શો રુમ ખોલવા જઈ રહ્યો હતો. તે દરમિયાન બૈજનાથપુરથી આગળ થોડા કિલોમીટર પર સબૈલા અને તિરીની પાસે બાઈક પર સવાર ત્રણ અજાણ્યા શખ્સોએ તેમને ઓવરટે કર્યાં. ઓવરટેક કર્યાં બાદ બાઈક સવારોએ સામે આવી તેમનાં પર ઘણાં રાઉન્ડ ગોળીબાર કર્યો, જેમાંથી એક ગોળી રાજકુમાર સિંહ અને બીજી ગોળી અમિર હસનને વાગી હતી.
ઘટનાસ્થળને લઈ પોલીસ ગોથે ચડી
આ ઘટનાની જાણ થતા પોલીસ ઘટનાસ્થળને લઈને ક્યારેક સહરસા જિલ્લા અને ક્યારેક મધેપુરા જિલ્લામાં ગોથે ચડી હતી. બાદમાં બૈજનાથપુર પોલીસ કેમ્પ ઈન્ચાર્જ સંજીવકુમાર ઘટનાસ્થળે પહોંચ્યા અને વધુ તપાસ હાથ ધરી હતી. બીજી તરફ એસડીપીઓ સંતોષકુમાર ક્લિનિક પર પહોંચ્યા હતા. ગોળીબારીની ઘટના બાદ હડકંપ મચ્યો હતો અને પીડિત શો રુમનાં માલિકનાં ભાઈ અનુજકુમાર સિંહે પોલીસને આ મામલે વધુ તપાસ કરવાની મ માંગ કરી છે.