યુપીમાં યોગીની ફરી વાર જીત બાદ બુલડોઝર યોગી બાબાનું પ્રતિક ચિન્હ બની ગયું છે. યુપીના પ્રયાગરાજમાં સમુહ લગ્નમાં કપલ્સને ગિફ્ટમાં બુલડોઝર આપવામાં આવ્યા હતા.
બુલડોઝરનો ક્રેઝ યુવાનોમાં ખૂબ વધ્યો
યોગી સરકાર પાર્ટ 2નું પ્રતિક ચિન્હ બન્યું
દંપત્તિઓને લગ્નમાં આપી ગિફ્ટ
બુલડોઝરનો જાદૂ લોકોના માથે ચડીને બોલી રહ્યો છે. હવે યોગી સરકાર 2.0નું પ્રતિક ચિન્હ બની ગયું છે. આ જ ક્રમમાં પ્રયાગરાજમાં સમુહ લગ્નમાં કપલ્સને ગિફ્ટમાં બુલડોઝર આપવામાં આવ્યા હતા. આ ચોંકાવનારી ગિફ્ટ યુવા ચૌરસિયા સમાજ તરફથી કટરામાં આયોજીત સમુહ લગ્નમાં વર વધુને આપવામાં આવી હતી. આ દરમિયાન નવ દંપત્તિએ ફેરા લીધા હતા. વિવાહ બાદ અન્ય ગૃહસ્થીના સમાનની સાથે સાથે જ્યારે વર વધુને બુલડોઝર આપવામાં આવ્યા તો, લોકો ચોંકી ગયા. વરરાજાઓેએ કહ્યું કે, આ બુલડોઝર અમારી બહેન દિકરીઓની સુરક્ષાનું પ્રતિક છે. આ યુપીના વિકાસનું પ્રતિક છે. તો વળી દુલ્હને સીએમ યોગીનો આભાર માન્યો હતો.
બુલડોઝરથી માફિયાઓનો સફાયો કર્યો
આ અવસરે પ્રયાગરાજની અભિલાષા ગુપ્તા નંદીએ કહ્યું કે, બુલડોઝર યુપીમાં સુખ શાંતિનું પ્રતિક છે. તેના માધ્યમથી એ સંદેશ આપવામાં આવી રહ્યો છે કે, યુપીમાં જ્યાં પણ ખોટા કામ થશે, ત્યાં બુલડોઝર બાબા હેકડી ઠેકાણે લાવી દેશે. યોગી સરકારે બુલડોઝર ચલાવીને રાજ્યમાં માફિયાઓનો સફાયો કરી નાખ્યો છે.
યોગીએ માફિયોની સંપત્તિ પર ચલાવ્યા બુલડોઝર
બુલડોઝર ખૂબ જ ચર્ચાનો વિષય છે. સ્થિતિ એવી થઈ ગઈ છે કે, બુલડોઝરનો ક્રેઝ હવે યુવાનોમાં વધતો દેખાઈ રહ્યો છે. પ્રશાસનિક સૂત્રોના જણાવ્યા અનુસાર ચૂંટણીના પરિણામ આવ્યા બાદ થી અત્યાર સુધીમાં ગાજિયાબાદ, શામલી, જૌનપુર, દેવબંધ, બહરાઈચ, પ્રયાગરાજ, દેવરિયા, નોઈડા અને અમરોહામાં કરોડોની સંપત્તિ પર યોગી બાબાએ બુલડોઝર ચલાવી ચુકી છે.