તમારા કામનું / બનતા કામ બગડી જશે, નોકરીમાં વધશે પ્રેશર: એપ્રિલ મહિનામાં આ 3 રાશિઓ પર તૂટશે મુશ્કેલીઓનો પહાડ

• નોકરીમાં આવી જાય છે મુશ્કેલીઓ 
• કાર્યસ્થળ પર વધશે પ્રેશર 
• વ્યાપારમાં થઈ શકે છે આર્થિક નુકસાન 

જ્યોતિષ શાસ્ત્રમાં ગ્રહોનું રાશિ પરિવર્તન, ઉદય, અસ્ત અને વક્ર ચાલનું ખાસ મહત્વ છે. જ્યારે કોઈ ગ્રહ અસ્ત થાય છે તો તેના જીવન પર સીઘી અસર પડે છે. આ સમયે ગ્રહોમાં રાજકુમાર કહેવાતો બુધ ગ્રહ અસ્ત છે. બુધ ગઈ 14 માર્ચે અસ્ત થયો હતો અને ફરી 12 એપ્રિલે ઉદય થશે.

જ્યોતિષના અનુસાર 12 એપ્રિલની સાંજે 7.33 મિનિટ પર બુધ દેવનો ઉદય થશે. એવામાં બુધ અસ્તનો નકારાત્મક પ્રભાવ અમુક રાશિઓ પર પડશે. આવો જાણીએ તેના વિશે. 

આ રાશિના જાતકોએ 12 એપ્રિલ સુધી સાવધાન રહેવું પડશે
મેષ 
આ રાશિના 11મા ઘરમાં બુધ અસ્ત થયો છે. 11મું ઘર આવકનું માનવામાં આવે છે. આવી સ્થિતિમાં નોકરી અને વ્યવસાયમાં મુશ્કેલીઓનો સામનો કરવો પડી શકે છે. તેમજ આવકના સ્ત્રોતમાં ઘટાડો થઈ શકે છે. વેપારમાં કોઈ પણ સોદો નાણાકીય નુકસાનનું કારણ બની શકે છે. જો કે પૈસાના રોકાણમાં સાવધાની રાખવાની જરૂર છે.

વૃષભ
આ રાશિ માટે બુધનું અસ્ત થવું શુભ માનવામાં આવતું નથી. બુધના પ્રભાવને કારણે તમારે નોકરી અને કરિયરમાં સમસ્યાઓનો સામનો કરવો પડી શકે છે. આ રાશિના લોકોના ભાગ્ય પર પણ બુધ ગ્રહની અસર પડશે. કામ જેમ જેમ પૂરું થશે તેમ બગડશે. આ સિવાય જમીનના દસ્તાવેજોને લગતા કામમાં પણ મુશ્કેલીનો સામનો કરવો પડી શકે છે. વેપારમાં આર્થિક વૃદ્ધિમાં અવરોધ આવશે. કાર્યસ્થળ પર અધિકારીઓ સાથે મતભેદ થઈ શકે છે.

મિથુન
આ રાશિના 9મા ઘરમાં બુધ અસ્ત થયો છે. 9મું ઘર ભાગ્ય અને વિદેશ યાત્રાનું છે. આવી સ્થિતિમાં, બુધ ગ્રહની અસરને કારણે, તમારે 12 એપ્રિલ સુધી ઘણી સમસ્યાઓનો સામનો કરવો પડી શકે છે. આ સમય દરમિયાન કરવામાં આવેલ કામ અચાનક બગડી શકે છે. નોકરીમાં પ્રમોશનની તક જતી થઈ શકે છે. કાર્યસ્થળ પર ઘણું પ્રેશર હોઈ શકે છે. અધિકારીઓ સાથે સંબંધો બગડી શકે છે. તમને સખત મહેનતનું અનુકૂળ પરિણામ નહીં મળે. જેના કારણે મન ઉદાસ રહી શકે છે.