આફ્રીકી દેશ કૉન્ગોમાં બ્યૂબોનિક પ્લેગના 15 કેસ આવ્યા છે અને તેમાંથી 11 લોકોના મોત થયા છે. 4 દર્દીની સારવાર ચાલી રહી છે. ઉંદરથી ફેલાતી આ ગંભીર બીમારીનો ડેથ રેટ 30-60 ટકાનો છે.
કોરોના અને બ્લેક ફંગસની સાથે વધ્યો નવી બીમારીનો ખતરો
બ્યૂબોનિક પ્લેગે કૉન્ગોમાં દીધી દસ્તક
15 દર્દીમાંથી 11 દર્દીના થયા મોત
ગંભીર બીમારીનો ડેથ રેટ 30-60 ટકા
મહામારીની વચ્ચે અનેક અન્ય બીમારીઓનો ખતરો પણ વધી રહ્યો છે. આફ્રિકી દેશ કૉન્ગોમાં બ્યૂબોનિક પ્લેગના 15 કેસ આવ્યા છે. તેમાંથી 11 લોકોના મોત થયા છે. તેને કાળા મોત કે બ્લેક ડેથના નામે ઓળખવામાં આવે છે. બ્યૂબોનિક પ્લેગ ખૂબ જ સંક્રામક છે અને જીવલેણ બીમારી છે. તે ઉંદરની મદદથી માણસમા ફેલાય છે.
બ્રિટિશ વેબસાઈટ ધ સનના રિપોર્ટમાં કહેવાયું છે કે કૉન્ગોના ઈતુરી પ્રાંતમાં બ્યૂબોનિક પ્લેગના કેસ સામે આવ્યા છે. 23 એપ્રિલથી 8 મેની વચ્ચે 11 લોકોના મોત થયા છે. આ દરેક વ્યક્તિને પહેલા લોહીની ઉલ્ટી થતી અને પછી તેમનું મોત થયું હતું.
શું કહે છે ઈતુરીના સ્વાસ્થ્ય વિભાગના ડોક્ટર્સ
ડો, લુઈસ શુલોનું કહેવું છે કે દર્દીને માથું દુઃખવું, તાવ, ખાંસી, લોહીની ઉલ્ટીના લક્ષણો જોવા મળે છે. અત્યાર સુધી બ્યુબોનિક પ્લેગના 15 કેસ આવ્યા છે. તેમાંથી 11ના મોત થયા છે.
ફ્લૂ જેવા જ છે લક્ષણોઃWHO
ડબલ્યૂએચઓએ બ્યૂબોનિક પ્લેગમાં દેખાતા લક્ષણોને ફ્લૂ જેવા જ ગણાવ્યા છે. તેમાં એકથી સાત દિવસની અંદર લક્ષણો જોવા મળે છે. આ બીમારીમાં દર્દીને ઠંડી લાગવી, તાવ આવવો, નબળાઈ લાગવી, માથુ દુઃખવું અને થાક લાગવાના લક્ષણો જોવા મળી રહ્યા છે. તેમાં મોતનો રેટ 30-60 ટકા જોવા મળી રહ્યો છે. આ એક જીવલેણ બીમારી સાબિત થઈ રહી છે.