ટેલિકોમ કંપનીઓ દ્વારા ટેરિફમાં વધારો કર્યા પછી પ્રીપેડ પ્લાન્સ 40 ટકા સુધી મોંઘા થઈ ગયા છે. રિલાયન્સ જિયો, એરટેલ અને વોડાફોન આઈડિયાના ગ્રાહકો મોંઘા ટેરિફને લઇને ચિંતામાં છે ત્યારે સરકારી ટેલિકોમ કંપની BSNL તેના ગ્રાહકોને જૂના ટેરિફ પર જ ટેલિકોમ સર્વિસ આપી રહી છે. બિઝનેસમાં થયેલા નુકસાનને પહોંચી વળવા આ કંપનીઓએ તેમના ટેરિફમાં વધારો કર્યો છે, પરંતુ BSNL ખોટમાં હોવા છતાં યુઝર્સને જૂની કિંમતોના પ્લાન આપી રહી છે. એટલું જ નહીં ટેરિફમાં વધારો થયો તે પહેલાં પણ BSNL અન્ય કંપનીઓ કરતાં તેના પ્લાન્સમાં વધુ ડેટા ઓફર કરી રહી હતી અને ટેરિફ વધ્યા બાદ પણ તેણે કોઈ જ બદલાવ કર્યો નથી.
BSNL ગ્રાહકોને વધુ ડેટા ઓફર કરે છે
BSNLના 197ના પ્લાનમાં મળશે વધુ ડેટા અને વેલિડિટી
આ પ્લાનમાં એરટેલથી વધારે ડેટા મળશે
આવી સ્થિતિમાં, જો તમે BSNLના ગ્રાહક છો અને વધુ બેનિફિટ માટે અન્ય ટેલિકોમ ઓપરેટર પર સ્વિચ કરવા માગો છો તો તે તમારા માટે નુકસાનકારક સોદો સાબિત થશે, કારણ કે, અન્ય પ્રાઈવેટ કંપનીઓ 56 દિવસની વેલિડિટીવાળા પ્લાન 350 રૂપિયામાં આપી રહી છે ત્યાં BSNL સમાન પ્લાન 200 રૂપિયાથી ઓછી કિંમતમાં ઓફર કરી રહ્યું છે.
197 રૂપિયાના પ્લાનમાં રોજ મળશે 2 જીબી ડેટા
BSNL પાસે 197 રૂપિયાનો પ્લાન છે, જેમાં 54 દિવસની વેલિડિટીની સાથે રોજ 2 જીબી ડેટા ઓફર કરે છે. આ પ્લાનમાં ગ્રાહકને ફ્રી પર્સનલાઈઝ્ડ રિંગ બેક ટ્યૂન પણ મળે છે. જોકે, BSNLના આ પ્લાનમાં કોલિંગ બેનિફિટ નથી. જ્યારે અન્ય ટેલિકોમ કંપનીઓમાં એરટેલ 399 રૂપિયામાં 56 દિવસની વેલિડિટી, રોજ 1.5 જીબી ડેટા અને અનલિમિટેડ કોલિંગની સુવિધા આપી રહ્યું છે. પણ જો તમને કોલિંગથી વધારે ડેટાની જરૂર પડે છે તો BSNLનો 197વાળો પ્લાન તમારા માટે બેસ્ટ છે. તેમાં એરટેલથી વધારે ડેઈલી ડેટા મળશે.
BSNLનો ડેટા વાઉચર પ્લાન
ડેટાની વાત કરીને તો BSNLની પાસે 548 રૂપિયાનો ડેટા વાઉચર ઉપલબ્ધ છે. વધુ ડેઈલી ડેટા માટે આ પ્લાન લઈ શકાય છે. તેમાં રોજ 5 જીબી ડેટાની સાથે 90 દિવસની વેલિડિટી પણ મળે છે.
કોલિંગ અને ડેટા માટે બેસ્ટ પ્લાન
BSNLના 399ના પ્લાનમાં 80 દિવસની વેલિડિટી સાથે રોજ 1 જીબી ડેટા અને કોલિંગ માટે 250 મિનિટ મળે છે. સાથે રોજના 100 એસએમએસ પણ મળે છે અને 448ના પ્લાનમાં 84 દિવસની વેલિડિટી સાથે રોજ 2 જીબી ડેટા અને કોલિંગ માટે 250 મિનિટ મળે છે. સાથે રોજના 100 એસએમએસ પણ મળે છે.