ભારે બરફવર્ષામાં ડ્યુટી કરી રહેલા વધુ એક BSFના જવાનનો વીડિયો વાયરલ થયો છે.
ભારે બરફવર્ષામાં ડ્યુટી કરી રહેલા વધુ એક BSFના જવાનનો વીડિયો વાયરલ
ભારે બરફવર્ષામાં પણ જવાનો ડ્યુટી કરવાનું ચૂકતા નહીં
જવાનોએ આપ્યો અદમ્ય સાહસનો પરિચય
વીડિયો જોઈને લોકોએ આપી સેલ્યુટ
જરા અમથી ઠંડી પડતા આપણે બધા રજાઈ, ધાબળામાં લપેટાઈ જઈએ છીએ અથવા તો તાપણું કરી બેસતા હોઈએ છીએ ત્યારે આવી ભીષણ ઠંડી અને બરફવર્ષામાં આપણા જવાનો સરહદે કેવી રીતે રખેવાળી કરતા હશે તેનો ક્યારેય વિચાર કર્યો છે ખરો. જો ન કર્યો હોય તો આ વીડિયો જોઈ લેજો, ખ્યાલ આવી જશે જવાનો કેવી વિષમ સ્થિતિમાં પણ ડ્યુટી કરતા ચૂકતા નથી. વીડિયો જોઈને તમે સલામી આપશો.
At the India-Pakistan LoC in Jammu & Kashmir, a @BSF_India Jawan holds fort. Despite harsh weather conditions and heavy snowfall, the BSF keeps guard 24/7. 🇮🇳 pic.twitter.com/YfSs9gXcsX
હાથમાં બંધૂક, છાતી સામી તાણીને દુશ્મની સામે ઉભો છે વીર જવાન
ભારે બરફવર્ષામાં ડ્યુટી કરી રહેલા BSFના જવાનનો વધુ એક વીડિયો વાયરલ થયો છે. નવા વાયરલ થયેલા વીડિયોમાં BSFનો એક જવાન ઘૂંટણ સમા બરફમાં દટાયેલા પગ સાથે ડ્યુટી કરી રહેલો દેખાય છે. હાથમાં બંધૂક, છાતી સામી તાણીને દુશ્મની સામે ઉભો છે. હવામાન ભલે ગમે તેટલું ખરાબ હોય પરંતુ BSFના જવાન 24 કલાક અને 7 દિવસ આપણા દેશની રક્ષા માટે ઊભા રહેતા હોય છે.
લોકોએ વીર જવાનોને શત શત પ્રમાણ કર્યાં
વીડિયો જોઈને લોકો પણ જવાનની હિંમતને દાદ આપી રહ્યાં છે. એક યૂઝરે લખ્યું કે જેટલી સલામી આપો તેટલી ઓછી છે, અહીં આપણે 16 ડિગ્રીમાં કાંપી રહ્યાં છીએ. બીજા યૂઝરે લખ્યું કે ના ખૌફ હે મોત કા, ના આરજુ હૈ જન્નતકી.. જ્યારે શહીદોનો ઉલ્લેખ થાય કાશ મારુ પણ નામ આવે. જય હિંદ, લોકોએ વીર જવાનોને શત શત પ્રમાણ કર્યાં હતા.