એક ભાઈ અને બહેન વચ્ચે ખૂબ જ પ્રેમભર્યો સંબંધ હોય છે. નાની-નાની વાતો પર ઝગડવાને લઇને જરૂરીયાતના સમયે એકબીજાની સારસંભાળ રાખવા માટે આ સંબંધ ઘણી બાબતોથી બન્યો છે. જો કે, મોટા થઇને જ્યારે ભાઈ અને બહેન અલગ થાય છે તો બાળપણની બાબતોને યાદ કરીને ખૂબ ઈમોશનલ થાય છે.
ભાઈ અને બહેન વચ્ચે ખૂબ જ પ્રેમભર્યો સંબંધ હોય છે
ભાઈ તેની નાની બહેનને ટ્રેમ્પોલિનમાંથી ઉતરવામાં કરે છે મદદ
હૃદયને સ્પર્શી જાય તેવો વીડિયો જોયા બાદ લોકો થયા લાગણીશીલ
નીચે ઉતરવા માટે બહેને લીધી ભાઈની મદદ
ભાઈ-બહેન પોતાના બાળપણમાં ખૂબ મોજમસ્તી કરે છે. ઈન્ટરનેટ પર એવા ઘણા વીડિયો છે, જે ભાઈ-બહેનની વચ્ચેના સુંદર બંધનને બતાવે છે. ઈન્સ્ટાગ્રામ પર શેર કરવામાં આવેલી આ ક્લિપ એવુ દર્શાવે છે કે કેવીરીતે એક ભાઈ તેની નાની બહેનને ટ્રેમ્પોલિનમાંથી ઉતરવામાં મદદ કરે છે. આ વીડિયો તમારા મીઠાશભર્યા સંબંધોમાં ઉષ્મા ભરી દેશે. વીડિયોને એક ઈન્સ્ટાગ્રામ યુઝર એશલે ફિશરે પોસ્ટ કર્યો છે. તેણે વીડિયો પોસ્ટ કરી લખ્યું, આ બાળક હંમેશા તેની બહેનની સારસંભાળ કરવા માટે વધુ મહેનત કરે છે. ક્લિપમાં જોઇ શકાય છે કે ટ્રેમ્પોલિનના કિનારે એક બાળકી અને જમીન પર એક બાળક ઉભો છે. બહેન નીચે ઉતારવા માટે કહે છે તો તેનો ભાઈ થોડી સેકન્ડમાં જમીન પર ઝૂકી જાય છે. કારણકે તેની બહેન પીઠ પર પગ રાખીને નીચે ઉતરી શકે. હૃદયને સ્પર્શી જાય તેવો આ વીડિયો જોયા બાદ લોકો લાગણીશીલ થઇ ગયા.
વીડિયો થોડા દિવસ પહેલા પોસ્ટ કરવામાં આવ્યો હતો. શેર કર્યા બાદ અત્યાર સુધીમાં ક્લિપને ત્રણ હજારથી વધુ લાઈક્સ મળી છે. આ વીડિયો પર યુઝર્સે અલગ-અલગ કોમેન્ટ કરી છે. એક ઈન્સ્ટાગ્રામ યુઝર્સે લખ્યું, મેં આ વીડિયો પહેલા જોયો. પરંતુ હું કોમેન્ટ કરી બતાવવા માગીશ કે તમે આ બાળકોની પરવરિશમાં એક અવિશ્વસનીય કામ કરી રહ્યાં છે. આ દ્રશ્ય તેમને હંમેશા યાદ રહેશે. આ વીડિયો જોઈને ખરેખર હું રડી પડ્યો.