સાવધાન ! / KISS કરવાથી બચો નહીં તો બીમાર પડી જશો: આ દેશમાં ક્રિસમસ પહેલા નિષ્ણાતોએ આપી ચેતવણી

• બ્રિટનમાં ક્રિસમસ પહેલાં નિષ્ણાંતોએ આપી ચેતવણી
• ક્રિસમસમાં એકબીજાને કિસ ના કરતા
• ક્રિસમસમાં દરેક લોકોએ સોશિયલ ડિસ્ટન્સનું પાલન કરવુ

કિસ કરવાથી બચો

વેક્સિનેશન અને ઈમ્યુનિએશન પર જોઈન્ટ કમિટીના ડેપ્યુટી ચેરમેન પ્રોફેસર એન્થની હાર્ડેને કહ્યું કે કોરોના વાયરસના ઓમિક્રોન વેરિએન્ટે લોકોની ચિંતા વધારી દીધી છે. સોશિયલ ડિસ્ટન્સિંગ અને માસ્ક પહેરવા જેવા ઉપાય જરૂરી છે. તેમણે એક ન્યુઝ સાથેની વાતચીતમાં કહ્યું, જો લોકો સમજદાર છે તો તેમણે ક્રિસમસમાં કોવિડના નિયમોનું કડક પાલન કરવુ જોઈએ. વર્ક એન્ડ પેન્શન સેક્રેટરી થેરેસી કૉફીએ કહ્યું કે લોકોને ક્રિસમસની રજા દરમ્યાન કિસિંગ અને એકબીજાને ગળે લગાડવાથી બચવુ જોઈએ. આપણે બધાએ ક્રિસમસનો આનંદ ઉઠાવવો જોઈએ. પરંતુ સોશિયલ ડિસ્ટન્સનું ખાસ ધ્યાન રાખવુ જોઈએ. જે લોકોને તમે પહેલાથી જાણતા નથી અથવા તેની ટ્રાવેલ હિસ્ટ્રી અંગે જાણતા નથી. એવા લોકોને કિસ ના કરશો.

ઈંગ્લેન્ડમાં દુકાનો અને પબ્લિક ટ્રાન્સપોર્ટમાં માસ્ક ફરજીયાત 

આની પહેલા આરોગ્ય સેક્રેટરી સાજિદ જાવેદે કહ્યું કે લોકોએ સરકારી ચેતવણી અને સલાહનું પાલન કરવુ જોઈએ. સરકારે યુકે પાછા આવતા પ્રવાસીઓ માટે પીસીઆર ટેસ્ટના નિયમોને કડક કર્યા છે. આ દેશોમાં ઓમિક્રોન વેરિએન્ટનું સંકટ વધારે છે, ત્યાંના લોકો માટે ક્વોરોન્ટાઈનમાં કડક નિર્દેશો જાહેર કર્યા છે. ઈંગ્લેન્ડમાં દુકાનો અને પબ્લિક ટ્રાન્સપોર્ટમાં માસ્કને ફરજીયાત કરી દીધુ છે. ઓમિક્રોનને અટકાવવા માટે કોવિડ બૂસ્ટરના કાર્યક્રમને પણ ઝડપી કરી દીધો છે. સરકારે જાહેરાત કરી છે કે 114 મિલિયન મોર્ડન અને ફાઈઝર વેક્સિનની ડીલ કરવામાં આવી છે, જે 2022 અને 2023માં આપવામાં આવશે.