બ્રાઝિલે ભારત બાયોટેકની સાથે કોવૈક્સીનને માટે કરાયેલા 32 કરોડ ડોલરના કોન્ટ્રાક્ટને સસ્પેન્ડ કર્યો છે.
બ્રાઝિલે સસ્પેન્ડ કર્યો કોન્ટ્રાક્ટ
32 કરોડ ડોલરનો કોવૈક્સિનની ડીલને કરી સસ્પેન્ડ
ભારત બાયોટેરની સાથેનો કોન્ટ્રાક્ટ કર્યો કેન્સલ
બ્રાઝિલે ભારત બાયોટેકની સાથેના કોવૈક્સીનના સોદાને સસ્પેન્ડ કરવાનો નિર્ણય લીધો છે. બ્રાઝિલમાં આ ડીલ પર અનેક સવાલો ઊભા થઈ રહ્યા હતા. આ પછી હવે 32 કરોડ ડોલરનો કોન્ટ્રાક્ટ સસ્પેન્ડ કરાયો છે.
સ્વાસ્થ્ય મંત્રીએ કરી જાહેરાત
મંગળવારે બ્રાઝિલના સ્વાસ્થ્ય મંત્રી માર્સેલોએ જાહેરાત કરી હતી. ડીલના આધારે બ્રાઝિલને ભારત બાયોટેકથી કુલ 7 કરોડ વેક્સીનના ડોઝ ખરીદવાના હતા. પણ સોદાને લઈને બ્રાઝિલમાં અનેક પ્રશ્નો સર્જાયા હતા. આ પછી રાષ્ટ્રપતિ પર ભ્રષ્ટાચારને છૂપાવવાના આરોપ પણ લગાવાયા હતા. સરકારની તરફથી તેને લઈને સફાઈ અપાઈ પણ કંઈ ફરક પડ્યો નહીં અને કેસ સુપ્રીમ કોર્ટમાં પહોંચ્યો. હવે આ બ્રાઝિલની સરકારે આ બબાલ બાદ ડીલને રદ્દ કરવાનો નિર્ણય લીધો છે. મીડિયા રિપોર્ટમાં કહેવાયું છે કે કેસની તપાસ પૂરી નહીં થાય ત્યાં સુધી ડીલ સસ્પેન્ડ માનવામાં આવશે. આ સાથે આ ડીલમાં કોઈ ગરબડ ન હોવાનો સ્વાસ્થ્ય મંત્રાલયની તરફથી વારેઘડી દાવો કરાઈ રહ્યો છે.
ડીલમાં કયા પ્રકારની ગરબડ હોવાના આરોપ
ડીલને લઈને આરોપ છે કે બ્રાઝિલના સ્વાસ્થ્ય મંત્રાલયના અધિકારી પર ભારત બાયોટેકની કોવૈક્સિન ખરીદવાનું દબાણ હતું. આ માટે રાષ્ટ્રપતિને જાણકારી હતી પણ તેઓએ ડીલ રોકી નહીં અને બ્રાઝિલને મોંઘી કોવૈક્સીન ખરીદવી પડી હતી. આ ગરબડને લઈને રાષ્ટ્રપતિ પર નિશાન સાધવામાં આવ્યું છે ત્યારે સંસદીય પેનલ કોરોના પ્રબંધનને લઈને તપાસ કરી રહ્યું છે જેને લઈને આ કેસ સામે આવ્યો છે. સવાલ એ પણ છે કે જો બ્રાઝિલની પાસે ફાઈઝરની વેક્સિન ખરીદવાનો ઓપ્શન હતો તો તેણે ભારત બાયોટેકની મોંધી વેક્સિન ખરીદી શા માટે અને ગરબડનો આરોપ સાબિત થશે તો તેમને પદ પરથી હટાવવામાં આવી શકે છે.