મધ્ય પ્રદેશના સિંગરૌલી જિલ્લાના બૈઠન નવાનગર પોલીસ સ્ટેશન હદ વિસ્તારમાં એક છોકરીને તેના બોયફ્રેન્ડે લગ્ન કરવાની ના પાડી તો છોકરીએ તેના ઘર સામે જઈને ધરણા કરવા લાગી હતી.
મધ્ય પ્રદેશમાંથી અનોખો કિસ્સો સામે આવ્યો
છોકરીએ તોના બોયફ્રેન્ડના ઘર સામે ધરણા પર બેઠી
લગ્ન કરવાની જીદ પકડી
મધ્ય પ્રદેશના સિંગરૌલી જિલ્લાના બૈઠન નવાનગર પોલીસ સ્ટેશન હદ વિસ્તારમાં એક છોકરીને તેના બોયફ્રેન્ડે લગ્ન કરવાની ના પાડી તો છોકરીએ તેના ઘર સામે જઈને ધરણા કરવા લાગી હતી. ધરણા સમયે છોકરીના ઘરવાળા ત્યાં હાજર રહ્યા હતા. છોકરીનું કહેવુ હતું કે, તેની સાથે તેના પ્રેમીએ દગો કર્યો છે. પોલીસે યુવતીની ફરિયાદ પર તેના પ્રેમી વિરુદ્ધ ફરિયાદ દાખલ કરી લીધી છે.
પ્રેમીએ દગો આપ્યો તો, ધરણા પર બેઠી પ્રેમિકા
પ્રાપ્ત વિગતો અનુસાર જોઈએ તો, સિંગરૌલી જિલ્લાના બરગવા પોલીસ સ્ટેશન હદ વિસ્તારમાં રહેતી 23 વર્ષિય છોકરીએ પોતાના પ્રેમી પર છેતરપીંડી કરવાનો આરોપ લગાવ્યો હતો. છોકરી પ્રેમીના ઘર સામે જઈને ધરણા પર બેસી ગઈ હતી. જ્યારે છોકરી ધરણા પર બેઠી તો તેની સાથે તેની માતા પણ હાજર હતી. છોકરીએ કહ્યું કે, કોલેજમાં ભણતી ત્યારે અંજની શાહ નામના છોકરા સાથે તેની મુલાકાત થઈ હતી. ધીમે ધીમે મુલાકાત થતી ગઈ અને બાદમાં દોસ્તી પ્રેમમાં બદલાઈ ગઈ .
લગ્ન માટે રાજી થયેલો છોકરો ફરી ગયો
છોકરીનો આરોપ છે કે, અંજની શાહ ફોસલાવીને તેની સાથે શારીરિક શોષણ પણ કરતો રહેતો. થોડા દિવસ બાદ લગ્ન કરવાની જીદ કરી તો, છોકરો ફરી ગયો. ઘણી વાર મળતા રહેતા હોવાના કારણે પરિવારના લોકોએ પણ તેને છોકરી સાથે પકડી પાડ્યો હતો. જેની જાણ પોલીસને પણ કરવામાં આવી હતી. તે સમયે તે લગ્ન કરવા માટે રાજી થઈ ગયો હતો. જો કે, બાદમાં બહાના બનાવીને છોકરો છટકી જતો હતો. છોકરો ઘરેથી ભાગી ગયો છે. આ બાજૂ છોકરી તેની માતા સાથે ધરણા પર બેસી ગઈ.
જો તેની સાથે લગ્ન નહીં થાય આપઘાત કરી લઈશ
આ ઘટનાને લઈને ત્યાં ખૂબ ભીડ એકઠી થઈ ગઈ હતી. છોકરીનું કહેવુ છે કે, લગ્ન કરીશ તો તેની સાથે જ નહીંતર જીવ આપી દઈશ. હવે અમારી સાથે કોઈ લગ્ન નહીં કરે. છોકરીની માતાએ છોકરા પર ગંભીર આરોપ લગાવી છોકરીની ઈજ્જત સાથે રમવાનો આરોપ લગાવ્યો હતો. તેની માતાએ કહ્યું કે, છોકરાના માતા-પિતા મારા દિકરી સાથે તેમના દિકરાના લગ્ન થવા દેતા નથી. સ્થાનિક લોકો અને પોલીસના સમજાવ્યા બાદ છોકરી અને તેની માતા ઘરે જતાં રહ્યા હતા. આ બાજૂ છોકરા વિરુદ્ધ પોલીસ સ્ટેશનમાં ફરિયાદ પણ નોંધવામાં આવી છે.