છટકેલ ખોપરી / નોકરીમાં પ્રમોશન ન મળતા ગુસ્સે ભરાયો શખ્સ: બૉસ સહિત આખા પરિવારને પતાવી દીધો, 8 વર્ષથી હતો ફરાર

• નોકરીમાં પ્રમોશન ન મળતા ચીનનો શખ્સ ખૂની બન્યો
• બોસ સહિત આખા પરિવારને રહેસી નાખ્યા
• હત્યા કરી ચીન ભાગી ગયો, 8 વર્ષ બાદ પરત આવતા પોલીસે દબોચી લીધો

સેલરી હાઈક અને પ્રમોશન... આ બંને વાત નોકરિયાત લોકો માટે ખૂબ જ મહત્વ ધરાવે છે. ત્યારે આવા સમયે જો આશા અનુસાર કોઈ વસ્તુ ન મળે તો, ઘણા લોકો નારાજ થઈ જાય છે અથવા બીજી નોકરી શોધવા લાગે છે. પણ એક શખ્સે પ્રમોશન ન મળતા એવું ખતરનાક પગલું ઉઠાવ્યુ કે, જેની કોઈએ કલ્પના પણ નહીં કરી હોય.

હકીકતમાં આ કહાણી અમેરિકામાં નોકરી કરતા એક 58 વર્ષિય ફાંગ લુની છે. જે ફક્ત પ્રમોશન નહીં મળતા કાતિલ બની ગયો હતો. આમ તો તે મૂળે ચીનનો રહેવાસી છે, ફાંગ લુ ઓયલફીલ્ડ સર્વિસિઝ કંપની Schlumbergerમાં કામ કરતો હતો. તેણે પોતાની કંપનીના બોસ અને તેના આખા પરિવારને ફક્ત એટલા માટે મારી નાખ્યા કેમ કે બોસે તેને નોકરીમાંથી પ્રમોશન આપવાની ના પાડી દીધી હતી.

હાલમાં જ જ્યારે ફાંગ લુ ચીનમાંથી અમેરિકા પહોંચ્યો તો તેને 8 વર્ષ જૂના ખૂન કેસમાં ધરપકડ કરી લેવામાં આવ્યો, પૂછપરછ દરમિયાન હત્યાનું કારણ સાંભળીને પોલીસવાળા પણ દંગ રહી ગયા હતા. જો કે, કોર્ટમાં રજૂ કરાયેલા દસ્તાવેજ અનુસાર ફાંગ વારંવાર પોતાનું નિવેદન બદલી રહ્યો છે.

હકીકતમાં વર્ષ 2014માં માઓયે (આરોપી શખ્સના બોસ), તેની પત્ની મેઈક્સી, 9 વર્ષની દિકરી અને 7 વર્ષના દિકરાને બેડરૂમમાં અલગ અલગ મૃત હાલતમાં જોયા હતા. આ તમામના માથા પર ગોળીઓ મારેલી હતી.

ફાંગ લુને તેના બોસ માઓયેએ પ્રમોશન માટે રિકમેંડ નહોતું હતું. આ વાતને લઈને બોસ પર ભડકી ઉઠ્યો અને બાદમાં તેના બોસ સહિત આખા પરિવારની હત્યા કરી નાખી.

એક રિપોર્ટ અનુસાર ફાંગ લુને અમેરિકાના સાન ફ્રાંસિસ્કોથી દબોચી લેવામાં આવ્યો હતો. તે હત્યા બાદ અમેરિકાથી ભાગીને પોતાની દેશ ચીન જતો રહ્યો હતો. પણ 8 વર્ષ બાદ તે ફરી પાછો આવ્યો.

ફાંગે પોલીસે જણાવ્યું કે, પ્રમોશનની જગ્યાએ બોસે તેને ખૂબ જ સંભળાવ્યું હતું. તેના કારણે ઓફિસમાં તેની ખૂબ જ બેઈજ્જતી થઈ. ફાંગ લુએ એવું પણ કહ્યું કે, તે બીજા વિભાગમાં ટ્રાંસફર ઈચ્છતો હતો, પણ બોસે ના પાડી દીધી હતી.

આ તમામ ઘટના બાદ માઓયેના પરિવાર સહિત હત્યા થઈ ગઈ, જો કે ફાંગ લુ હત્યાની વાતથી ઈન્કાર કરતો રહ્યો હતો. પણ 8 વર્ષ ુધી તપાસ અને પુરાવા એકઠા કર્યા બાદ પોલીસે તેની ધરપકડ કરી લીધી હતી.