અભિનેત્રી સુષ્મિતા સેનની બિઝનેસમેન લલિત મોદી સાથેના ડેટના અહેવાલોએ જોર પકડ્યુ છે. બોલીવુડ ઈન્ડસ્ટ્રીનો જેટલો ક્રિકેટ સાથે ઊંડો સંબંધ છે તેટલો જ બિઝનેસ ઈન્ડસ્ટ્રી સાથે પણ છે. આવો જાણીએ કે કઈ કઈ અભિનેત્રીઓએ બિઝનેસમેનને ડેટ કર્યા અને લગ્ન પણ કર્યા.
બોલીવુડ ઈન્ડસ્ટ્રીનો બિઝનેસ ઈન્ડસ્ટ્રી સાથે રહ્યો છે ઊંડો સંબંધ
જાણો, કઈ કઈ અભિનેત્રીઓએ બિઝનેસમેન સાથે કર્યા છે લગ્ન
આ અભિનેત્રીઓએ બિઝનેસમેનને પોતાના જીવનસાથી બનાવ્યાં
મોટા-મોટા બિઝનેસમેનનુ દિલ ઘણી વખત રૂપેરી પડદાની હીરોઈનો પર આવી જાય છે. તો ઘણી વખત જાતે અભિનેત્રીઓ પણ ફિલ્મી દુનિયાથી અલગ પ્રોફેશનવાળા માણસની તલાશમાં હોય છે. સિનેમા અને વ્યાપારની એવી અનેક જોડીઓ છે, અભિનેત્રીઓએ બિઝનેસમેનને પોતાના જીવનસાથી બનાવ્યાં છે.
જુહી ચાવલાએ બિઝનેસમેન જય મહેતા સાથે વર્ષ 1995માં લગ્ન કર્યા હતા. આ દંપત્તિને એક પુત્ર અને પુત્રી પણ છે. જુહી ચાવલા અને જય મહેતાની કથિત રીતે નેટવર્થ 254 કરોડ રૂપિયા છે. જુહીને ક્યારેક સલમાન ખાને લગ્ન માટે પ્રપોઝ કર્યુ હતુ અને જુહીએ ના પાડી દીધી હતી.
અસિને માઈક્રોમેક્સના કો-ફાઉન્ડર રાહુલ શર્માની સાથે વર્ષ 2016માં લગ્ન કર્યા હતા. લગ્ન બાદ અસિને ફિલ્મોને અલવિદા કહી દીધુ. આ દંપત્તિની એક દીકરી પણ છે. અસિન અને રાહુલ શર્માની કથિત રીતે નેટવર્થ 1460 કરોડ રૂપિયા છે. અસિનને તમે ગજની અને રેડી ફિલ્મમાં જોઇ હશે.
શિલ્પા શેટ્ટીએ બિઝનેસમેન રાજ કુંદ્રા સાથે વર્ષ 2009માં લગ્ન કર્યા હતા. આ દંપત્તિના બે પુત્ર અને એક પુત્રી છે. શિલ્પા શેટ્ટી અને રાજ કુંદ્રાની કથિત રીતે નેટવર્થ 134 કરોડ રૂપિયા છે. હાલમાં કુંદ્રા અશ્લિલ કન્ટેન્ટને લઇને ખૂબ વિવાદોમાં રહ્યાં હતા.
રવીના ટંડને અક્ષય કુમાર સાથે પ્રેમમાં વિશ્વાસઘાત ખાધા બાદ ફિલ્મ ડિસ્ટ્રીબ્યુટર અનિલ થડાની સાથે વર્ષ 2004માં લગ્ન કર્યા હતા. આ દંપત્તિની બે દીકરીઓ પણ છે. રવીના ટંડન અને અનિલ થડાનીની નેટવર્થ 47 કરોડ રૂપિયા છે. રવીના હવે બસ ટીવી શોની મહેમાન બનીને દેખાય છે.