મુંબઈ / ડ્રગ્સ કેસ મામલે હવે NCBએ કરણ જોહરને મોકલ્યું સમન્સ, બોલિવુડના સ્ટાર્સને બોલાવી ઘરે કરી હતી પાર્ટી

• ડ્રગ્સ કનેક્શનમાં કરણ જૌહરને NCBનું સમન્સ
• 2019ની પાર્ટી મામલે NCB કરશે પૂછપરછ
• કરણ જોહર કોઈ મામલામાં શંકાસ્પદ નથી માત્ર જાણકારી મેળવવાની છેઃ NCB

NCB સૂત્રોના જણાવ્યા અનુસાર, કરણ જોહરને ખુદ NCB સમક્ષ હાજર થવાની જરૂર નથી. તેઓ તેને તેમના કોઈપણ પ્રતિનિધિને મોકલી શકે છે. કરણ જોહરને જુલાઈ 2019 માં તેમના ઘરે રાખવામાં આવેલી પાર્ટીને શૂટ કરવા માટે ઉપયોગમાં લેવામાં આવેલા ઇલેક્ટ્રોનિક ડિવાઇસીસની વિગતો આપવા કહેવામાં આવ્યું છે.

કરણ જોહરને સમન્સ બુધવારે મોકલવામાં આવ્યું છે. 2019 ની પાર્ટી સાથે સંબંધિત તમામ રેકોર્ડ પ્રદાન કરવાના છે. જેમ કે, પાર્ટીમાં સામેલ લોકો કોણ હતા. વીડિયો શૂટ કયા કેમેરાથી થયું હતું. કોઈ ઈન્વિટેશન કાર્ડ મોકલવામાં આવ્યું હતું કે આવી તમામ જાણકારી શુક્રવાર (18 ડિસેમ્બર) સુધીમાં આપવાનું કહેવામાં આવ્યું છે.

કરણ જોહરના ઘરે યોજાયેલી એક પાર્ટીનો વીડિયો થયો હતો વાયરલ

ઉલ્લેખનીય છે કે ડ્ર્ગ્સ કનેક્શન સામે આવ્યા બાદ કરણ જોહરની મુશ્કેલીઓ વધતી દેખાઈ હતી. કરણ જોહરના ઘરે આયોજન કરાયેલી એક પાર્ટીનો વીડિયો સોશ્યલ મીડિયા પર વાયરલ થયો હતો. NCBએ આ વીડિયોને સાચો બતાવ્યો હતો. 

કરણ જોહરે આ વીડિયો શૂટ કર્યો હોવાનું કહેવાય છે અને આ વીડિયોમાં મલાઈકા અરોરા, રણબીર કપૂર, વિકી કૌશલ, વરુણ ધવન, શકુન બત્રા, ઝોયા અખ્તર, અર્જુન કપૂર, અયાન મુખર્જી, દીપિકા પાદુકોણ અને કાર્તિક આર્યન જેવા સ્ટાર્સ હતા. ત્યારબાદ પ્રશ્નો ઉભા થવા માંડ્યા કે શું એનસીબી કરણ જોહર અથવા વીડિયોમાં દેખાતા સ્ટાર્સ પર સિકંજો કસશે કે નહીં.

મંજિંદર સિંહ સિરસાએ કરણ જોહરને બોલિવૂડ ડ્રગ કાર્ટેલના કિંગ ગણાવ્યો હતો

આ વીડિયો સામે આવ્યા બાદ અકાલી દળના નેતા મંજિંદર સિંહ સિરસાએ એનસીબીને ફરિયાદ કરી હતી. મંજિંદર સિંહ સિરસાએ કરણ જોહરને બોલિવૂડ ડ્રગ કાર્ટેલના કિંગ ગણાવ્યો હતો. તે ખુદને કાયદાથી ઉપર સમજે છે તેવું પણ કહ્યું હતું.

હું ન તો હું ડ્રગ્સ લઉં છે અને ન તો તેનો પ્રચાર કરું છું: કરણ જોહર

તે સમયે કરણ જોહરે એક નિવેદન જારી કરીને સ્પષ્ટતા પણ કરી હતી. તેમણે કહ્યું કે હું ન તો હું ડ્રગ્સ લઉં છે અને ન તો તેનો પ્રચાર કરું છું. કરણ જોહરે કહ્યું હતું કે ખોટા સમાચાર ફેલાવવામાં આવી રહ્યા છે કે 28 જુલાઈ 2019 ના રોજ મારા ઘરે યોજાયેલી પાર્ટીમાં ડ્રગ્સનો ઉપયોગ કરવામાં આવ્યો હતો. કરણ જોહરે કહ્યું કે મેં 2019 માં જ કહી દીધું હતું કે આ બધા આક્ષેપો ખોટા છે.

ડ્રગ્સના કેસમાં NCBએ કરણ જોહરની કંપની ધર્મ પ્રોડક્શનના એક્ઝિક્યુટિવ નિર્માતા ક્ષિતિજ પ્રસાદની પણ ધરપકડ કરી હતી. ક્ષિતિજને કસ્ટડીમાં લીધા બાદ કરણ જોહરે એક નિવેદન જારી કરીને સ્પષ્ટતા કરી હતી.