ધ્યાન રાખજો / ભારે કરી! મહિલાને વજન ઘટાડવાનું પડી ગયું મોંઘુ, બન્યું એવું કે જાણીને ચોંકી જશો

• વજન ઘટાડવા માટે લોકો કરાવે છે સર્જરી
• અમેરિકામાં રહેતી મહિલાએ કરાવી સર્જરી
• સર્જરી કરાવ્યાં બાદ તેની સ્કિન લટકવા લાગી

અમેરિકામાં રહે છે આ મહિલા

અમુક લોકો વજન ઘટાડવા માટે સર્જરી કરાવે છે. એક મહિલાએ વજન ઘટાડવા માટે સર્જરી કરાવી હતી. પરંતુ આ સર્જરીને કારણે મહિલાની તબિયત બગડી ગઇ હતી. એટલું જ નહીં, તેની સ્કિન ખૂબ ઢીલી થઇ ગઇ. આ મહિલાનું નામ ચેસી મે છે. તે અમેરિકામાં રહે છે. ચેસી મે ટિકટોક પર ખૂબ પ્રખ્યાત છે. તેના ટિકટૉક પર 2 લાખ 30 હજારથી વધુ ફૉલોઅર્સ છે. પરંતુ જ્યારે તેણે પોતાની કહાની અન્ય લોકોની સામે શેર કરી તો લોકો આશ્ચર્યમાં ગરકાવ થઇ ગયા. ખરેખર, ડિસેમ્બર 2019માં મહિલાએ બેરિએટ્રીક સ્લીવ સર્જરી કરાવી હતી. ત્યારબાદ તેની સ્કિન લટકવા લાગી હતી. 

સર્જરી બાદ 70 કિલો રહી ગયુ વજન

ચેસીએ જણાવ્યું કે તેનો વજન ખૂબ વધી ગયો હતો. વધતા વજનને કારણે તે પરેશાન રહેતી હતી. તેના માનસિક આરોગ્ય પર ખૂબ ખરાબ પ્રભાવ પડ્યો હતો. મહિલા કહે છે, મારી માનસિક સ્થિતિ દરરોજ ખરાબ થઇ જતી હતી. ત્યારબાદ તેમણે ખાવા સાથે સ્પર્ધા શરૂ કરી દીધી હતી. ખરેખર, તેની ખાવાની આદત વધુ ખરાબ હતી. જે તેના વજન વધવા પાછળનું કારણ હતુ. આ સર્જરી કરાવતા પહેલા તેનુ વજન 178 કિલો હતુ. પરંતુ જ્યારે તેમણે સર્જરી કરાવી તો તેનુ વજન 70 કિલો થયુ. સોશિયલ મીડિયા પર તેમણે પોતાના ઘણા બૉડી ટ્રાન્સ્ફોર્મેશનના ફોટો શેર કર્યા.