મંત્રીમંડળ શપથવિધિ: / પક્ષમાં હવે બિનજરૂરી કકળાટ કે નારાજગી નહીં ચાલે, ભાજપ હાઈકમાન્ડનો એક જ મંત્ર પર્ફોર્મન્સ આપો

• હવે ભાજપ હાઈકમાન્ડનો એક જ મંત્ર પર્ફોર્મન્સ આપો
• પક્ષમાં હવે બિનજરૂરી કકળાટ કે નારાજગી નહીં ચાલે
• માત્ર વરિષ્ઠતા નહીં પરંતુ કાર્યદક્ષતા પણ જરૂરી બનશે

ગુજરાતના નવનિયુક્ત મુખ્યમંત્રી ભૂપેન્દ્ર પટેલ સરકારની ટીમ જાહેર થઈ ગઈ છે, આજે ગાંધીનરર રાજભવન ખાતે શપથ સમારોહ યોજાયો જેમાં નો રિપીટ થિયરી સાથે નવા ચહેરાઓને મંત્રીમંડળમાં સમાવેશ કરવામાં આવ્યો છે જેમને આજે સાંજે 4:30 વાગે મંત્રીમંડળની પ્રથમ બેઠક મળશે, જેમાં મંત્રીઓને ખાતાંની ફાળવણી કરવામાંઆવશે. ગુજરાતના  મુખ્યમંત્રી ભૂપેન્દ્ર પટેલની સરકારમાં નવા સભ્યોને મંત્રીપદ આપવામાં આવ્યાં છે. જેમાં CM ભૂપેન્દ્ર પટેલ સહિત મંત્રીમંડળનું કદ કુલ 25નું રાખવામાં આવ્યું છે તેમજ 10 કેબિનેટ કક્ષાના મંત્રી અને 5 સ્વતંત્ર અને 9 રાજ્યકક્ષાના મંત્રી રાખવામાં આવ્યા છે. 

પક્ષમાં હવે બિનજરૂરી કકળાટ કે નારાજગી નહીં ચાલે

ગુજરાતમાં હવે નવા મુખ્યમંત્રીએ નવા મંત્રીઓ સાથે જ પદ ભાર સંભાળી લીધો છે ત્યારે હવે ભાજપ હવે પક્ષ નવા ચહેરાઓ સાથે આગળ વધવા માંગે છે મહત્વનું છે ગુજરાતમાં આગામી 2022માં વિધાનસભાની ચૂંટણીઓ યોજાનાર છે ત્યારે ભાજપનું ધ્યાન હવે ગુજરાતમાં 2022માં સર્વોચ્ચ સફળતા હાંસલ કરવાનું છે જેને લઈ ભાજપે એક તીર દો નિશાન સાંધ્યું હોય તેવું લાગી રહ્યું છે કેમ કે કોરોનાકાળ ઉપરાંત અન્ય વહીવટી નિષ્ફળતાઓ સામે ડેમેજ કંટ્રોલની ભાજપની આ કવાયત મનાઈ રહી છે તો બીજી તરફ ભાજપનો સ્પષ્ટ સંકેત આપવા માંગે છે કે પક્ષથી ઉપર કોઈ નથી, ભાજપ ગુજરાતના માધ્યમથી ભાજપ રાષ્ટ્રીય સ્તરે પણ મેસેજ પહોંચાડવા માંગે છે જેથી અન્ય ભાજપ શાસિત રાજ્યોને પણ ગુજરાતના માધ્યમથી સ્પષ્ટ મેસેજ મળે કે હવે ભાજપ હાઈકમાન્ડનો એક જ મંત્ર છે પર્ફોર્મન્સ આપો. 

માત્ર વરિષ્ઠતા નહીં પરંતુ કાર્યદક્ષતા પણ જરૂરી બનશે

ઉલ્લેખનિય છે કે ગુજરાત સહિત અનેક રાજ્યમાં મુખ્યમંત્રી બદલી દેવામાં આવ્યા છે ત્યારે  પક્ષમાં હવે બિનજરૂરી કકળાટ કે નારાજગી નહીં ચાલે તેમજ કાર્યદક્ષતા પર વધુ જરૂરી બનશે અહીં કહી શકાય કે ભાજપ 2022માં વિધાનસભાની તમામ 182 બેઠકો પર વિજય મેળવવા માંગે છે આ પરિવર્તન થકી ભાજપ 2024નો રસ્તો પણ તૈયાર કરી રહી છે જેમાં ભાજપ જ્ઞાતિ આધારિત સમીકરણ સાંધી ભાજપ કોઈ એક જ જ્ઞાતિના મત ઉપર આધારિક રહેવા માંગતું નથી, આમ ભાજપ હવે સર્વ સમાવેશકની છાપને વધુ મજબૂત કરવા માંગે છે.