'જ્ઞાન' ગજબનું / આયુર્વેદ અનુસાર દારૂ ઔષધિ છે, ખાલી લિમિટમાં લો તો જ : ભાજપના સાંસદનું જ્ઞાન

• ભોપાલના બીજેપી સાંસદે આપ્યુ જ્ઞાન
• 'મર્યાદિત માત્રામાં દારૂનું સેવન દવા સમાન'
• મધ્યપ્રદેશમાં શરુ થઇ દારુ પર રાજનીતિ

દારુ એ દવા સમાન છે જો યોગ્ય માત્રામાં તેનુ સેવન કરો તો. આ શબ્દો છે  ભોપાલના સાંસદ સાધ્વી પ્રજ્ઞા સિંહ ઠાકુરના. મધ્યપ્રદેશમાં દારુબંધીની માગ અંગે જ્યારે બીજેપી સાંસદને પૂછવામાં આવ્યુ તો તેમણે જણાવ્યુ કે આયુર્વેદમાં મર્યાદિત માત્રામાં દારૂનું સેવન દવા સમાન છે. એટલે કે મર્યાદામાં દારૂ પીવો એ દવા સમાન છે. જ્યારે દારૂનું વધુ પડતું સેવન ઝેર સમાન છે.   

સોશિયલ મીડિયામાં વીડિયો થયો વાયરલ

ભોપાલના સાંસદ સાધ્વી પ્રજ્ઞાસિંહ ઠાકુરે અવારનાવર પોતાના નિવેદનોને લઇને ચર્ચામાં રહે છે. ત્યારે દારુબંધીના આ નિવેદનને લઇને તેઓ ફરીથી ચર્ચાનો વિષય બન્યા છે. તેમના આ નિવેદનનો વીડિયો સોશિયલ મીડિયામાં વાયરલ થયો છે. વીડિયોમાં તેઓ કહી રહ્યા છે કે દારુને  મર્યાદિત માત્રામાં લેવામાં આવે તો તે  દવાનું કામ કરે છે અને તે અમર્યાદિત માત્રામાં ઝેર છે. તે દરેક વ્યક્તિએ સમજવું જોઈએ, સાંભળવું જોઈએ અને તેનો વધુ પડતો ઉપયોગ કરવાથી જે નુકસાન થાય છે. તે જોતા દારુનું સેવન બંધ કરવું જોઇએ.

 

#WATCH Supporting BJP leader Uma Bharti's demand for liquor ban in Madhya Pradesh, party MP Pragya Singh Thakur says, "As per Ayurveda, liquor works as a medicine if consumed in a limited quantity but as poison, if consumed in unlimited quantities. Everyone must understand this." pic.twitter.com/x03zu9G8PG

— ANI (@ANI) January 20, 2022

મધ્યપ્રદેશમાં દારુબંધી પર ગરમાયુ રાજકારણ

મધ્યપ્રદેશમાં દારુબંધીને લઇને રાજકારણમાં ગરમાવો આવી ગયો છે. ભાજપના ઘણા નેતાઓ આ અંગે નિવેદન આપી ચૂક્યા છે. પૂર્વ મુખ્યમંત્રી ઉમા ભારતીએ પણ શિવરાજસિંહ ચૌહાણને દારુબંધી લાગુ કરાવવા માટે જાન્યુઆરી સુધીનો સમય આપ્યોછે. જો મધ્યપ્રદેશમાં દારુબંધી નહી થાય તો તેઓ આંદોલન શરુ કરશે. 

શું છે નવી દારુનીતિ

મહત્વનું છે કે શિવરાજ સિંહ ચૌહાણે મંગળવારે કેબિનેટમાં નવી એક્સાઈઝ પોલિસીને મંજૂરી આપી હતી. આ અંતર્ગત વિદેશી દારૂ પરની એક્સાઈઝ ડ્યૂટી પર 10થી 13 ટકાનો ઘટાડો કરવામાં આવ્યો છે.  જો કે સરકારે નવી દુકાન ખોલવાની મંજૂરી આપી નથી પરંતુ  હવે એક જ દુકાનમાં દેશી અને વિદેશી એમ બંને પ્રકારના દારુનું વેચાણ કરી શકાશે.