ધમકી / ભાજપ નેતા અને પૂર્વ ક્રિકેટરને મળી જાનથી મારી નાખવાની ધમકી

• પૂર્વ દિલ્હીના સાંસદ ગૌતમ ગંભીરને ધમકી 
• પત્ર લખીને કરી ફરિયાદ 
• દિલ્હીના સીએમનાં ધમકી આપનાર શખ્સની થઇ છે ધરપકડ 

ભારતીય ક્રિકેટ ટીમના પૂર્વ ખેલાડી અને દિલ્હીથી ભાજપ સાંસદ ગૌતમ ગંભીરને જાનથી મારી નાખવાની ધમકી આપવામાં આવી છે. આ ધમકી તેમને આંતરાષ્ટ્રીય ફોન નંબરથી આપવામાં આવી હતી. બે દિવસ પહેલાં જ તેમને ફોનથી આ ધમકી આપવામાં આવી હતી જે બાદ તેમણે FIR પણ નોંધાવી છે. 

પોલીસને સુરક્ષા માટે લખ્યો પત્ર 

ગૌતમ ગંભીરે એક પત્રમાં ડીસીપી શાહદરાને લખ્યું છે કે તેમના પરિવારને જાનથી મારી નાખવાની ધમકી ઇન્ટરનેશનલ કોલનાં માધ્યમથી આપવામાં આવી છે. જેથી FIR દાખલ કરવામાં આવે અને તેમના પરિવારનાં સુરક્ષા વ્યવસ્થા કરવામાં આવે. ગંભીરે પોલીસને કહ્યું કે 'કોઈએ મને ઇન્ટરનેશનલ નંબર પરથી ફોન કરીને મને અને મારા પરિવારને જાનથી મારી નાખવાની ધમકી આપવામાં આવી છે. હું પોલીસને વિનંતી કરું છું કે તેઓ FIR દાખલ કરી મારા પરિવારને સુરક્ષા પ્રદાન કરે'

દિલ્હી મુખ્યમંત્રીને પણ મળી છે ધમકી 

દિલ્હીનાં મુખ્યમંત્રી અરવિંદ કેજરીવાલને પણ આ જ રીતે જાનથી મારી નાખવાની ધમકી પહેલાં આપવામાં આવી હતી , જે બાદ આરોપીની ધરપકડ પોલીસ દ્વારા કરવામાં આવી છે.