ઝારખંડ / વિધાનસભામાં નમાજ માટે અલગ રૂમ ફાળવ્યો તો ભાજપના ધારાસભ્યો જુઓ શું લઈને પહોંચી ગયા

• ઝારખંડ વિધાનસભામાં ભારે હોબાળો 
• નમાજ માટે રૂમ ફાળવવામાં આવતા થયો હોબાળો 
• ભાજપ ધારાસભ્યોએ વિધાનસભામાં હનુમાન મંદિરની કરી માંગ 

ઝારખંડ વિધાનસભા પરિસરમાં નમાજ માટે જે અલગથી રૂમ આપવામાં આવ્યો છે. તેને લઈને ભાજપના ધારાસભ્યોએ બારે હંગામો મચાવ્યો છે. જેમા તેમણે તે રૂમની ફાળવણી રદ કરવા માટે માગ કરી છે. એટલુંજ નહી વિધાનસભામાં ભાજપના ધારાસભ્યોએ ભજન કિર્તન પણ શરૂ કરી દીધા છે. 

ભાજપ ધારાસભ્યો ઢોલ મંજીરા સાથે લઈને પહોચ્યા 

આજે સવારથી ઝારખંડ વિધાનસભામાં ભક્તિનો માહોલ જોવા મળ્યો હતો. ભાજપના ધારાસભ્યો વિધાનસભામાં ઢોલ અને મંજીરા લઈને પહોચ્યા હતા.જ્યા તેમણે હરહર મહાદેવ અને જયશ્રીરામના નારા લગાવ્યા હતા.

બધાજ ધર્મના લોકોને રૂમ ફાળવવા BJP ધારાસભ્યોની માગ 

સમગ્ર મામલે ભાજપના ધારાસભ્યોએ એવું કહ્યું કે વિરોધ ત્યા સુધી કરશે કે જ્યા સુધી નમાજ માટે જે રૂમ ફાળવવામાં આવ્યો છે તે રદ કરવામાં નહી આવે અથવા તો બધાજ ધર્મના લોકો માટે અલગ અલગ રૂમ ફાળવવા માટેની ભાજપ ધારાસભ્યોએ માગ કરી છે. 

વિધાનસભા સ્થગિત કરવામાં આવી 

વિધાનસભાની બહાર આજે ભારે હોબાળો જોવા મળ્યો. જેના કારણે સ્પીકર રવીન્દ્ર નાથ મહતોએ બધા ધારાસભ્યોને પરત જવા માટે અપીલ કરી. પરંતુ હોબાળો તેમ છતા શાંત ન થતા વિધાનસભાને સ્થગિત કરવામાં આવી હતી. આ મામલે રાજ્યના સ્વાસ્થ્ય મંત્રી બન્ના ગુપ્તાએ એવું નિવેદન આપ્યું કે ધર્મના નામે વિવાદ છેડવામાં આવી રહ્યો છે. સાથેજ તેમણે કહ્યું કે ભાજપ નેતાઓ લોકોને મોંઘવારી અને રોજગાર જેવા મુદ્દાઓથી ભટકાવા માટે આવું કરી રહ્યા છે.

ભાજપ ધારાસભ્યોની હનુમાન મંદિર બનાવા માગ 

ઉલ્લેખનીય છે કે ઝારખંડમાં સ્પીકર દ્વારા વિધાનસભામાં નમાજ માટે અલગ રૂમ ફાળવવામાં આવ્યો છે. જેથી ભાજપ દ્વારા વિધાનસભામાં હનુમાન મંદિર અને બાકી ધર્મોના પૂજા સ્થળોના નિર્માણ માટેની માગ કરવામાં આવી છે.