સ્થાનિક સ્વરાજ્યની ચૂંટણીને લઈને ભાજપ બેફામ બની રહ્યુ છે. ભાજપ પેજ પ્રમુખને રોકવાની સત્તા પોલીસ પાસે પણ નથી? કેમ કે સુરત લિંબાયતના આ ધારાસભ્ય ખુલ્લેઆમ વીડિયોમાં કહી રહ્યા છે કે, ભાજપ પેજ પ્રમુખનું કાર્ડ બતાવજો પોલીસ તમને નહીં રોકે.
MLA સંગીતા પાટીલનો વીડિયો વાયરલ
સંગીતા પાટીલનું બેજવાબદારી ભર્યું નિવેદન
'પોલીસ પકડે તો પેજ પ્રમુખનું કાર્ડ બતાવો'
સુરતના લીંબાયત MLA સંગીતા પાટીલનો વીડિયો વાયરલ થયો છે. ભાજપ MLA સંગીતા પાટીલનું બેજવાબદારી ભર્યું નિવેદન સામે આવન્યું છે. ધારાસભ્ય સંગીતા પાટીલ કહી રહ્યા છે કે જો તમને પોલીસ પકડે તો ભાજપ પેજ પ્રમુખનું કાર્ડ બતાવજો પોલીસ તમને છોડી મૂકશે અને જો પોલીસ ના છોડે તો મને ફોન કરજો હું તમને છોડાવીશ. આ પેજ પ્રમુખનું કાડ્ર તો C R Patil સાહેબે આપેલું બ્રહ્માસ્ત્ર છે.
આ વીડિયો ચારેક દિવસ પહેલાનો હોવાનું કહેવાઈ રહ્યું છે. ભાજપના ધારાસભ્યના સંગીતા પાટીલના વીડિયોને લઇ લોકોમાં રોષ જોવા મળી રહ્યો છે. માસ્ક અને સોશિયલ ડિસ્ટન્સીંગ મામલે સામાન્ય માણસો પાસેથી મોંમાંગ્યો દંડ વસૂલવામાં આવી રહ્યો છે ત્યારે શું ભાજપના નેતાઓ માટે મહામારી કે કાયદા નથી? તેવા પ્રશ્નો ઉઠી રહ્યા છે.
સ્થાનિક સ્વરાજ્યને લઈને ભાજપે માઈક્રો લેવલનું આયોજન કર્યુ છે જેમાં મતદાર યાદી થ્રૂ પેજ પ્રમુખ બનાવ્યા છે જેમાં 20 મતદારો સામે એક પેજ પ્રમુખને 6 લોકોની કમીટી બનાવી છે શું આ તમામ લોકોને પોલીસ રોકી નહીં શકે? ભાજપના નેતાઓ પોલીસને કંટ્રોલ કરે છે? પોલીસ ખાતું નેતાઓની સત્તામાં આવે છે. જેવા પ્રશ્નો ઉઠી રહ્યા છે.
સળગતા સવાલ
શું ભાજપ પેજ પ્રમુખનું કાર્ડ કાયદાથી ઉપર છે?
શું પેજ પ્રમુખનું કાર્ડને લઇ પોલીસને કોઇ નિર્દેશ કરાયા છે?